Pačali sudzić milicyjaniera, jaki «prosta tak» zabiŭ 22-hadovuju dziaŭčynu
Sud prachodzić u Rahačovie.
24 listapada Homielski abłasny sud na vyjaznym pasiadžeńni ŭ Rahačovie pačaŭ razhlad kryminalnaj spravy pavodle abvinavačańnia milicyjaniera ŭ zabojstvie dziaŭčyny.
1 kastryčnika byłomu ŭčastkovamu było vystaŭlena abvinavačańnie na padstavie p. 13 č. 2 art. 139 KK (zabojstva z chulihanskich mierkavańniaŭ). Pieršapačatkova havorka išła pra zamach na zabojstva (č. 1 art. 14 i art. 139 KK), bo na momant raspačynańnia kryminalnaj spravy dziaŭčyna była žyvaja. Pavodle infarmacyi abłasnoj prakuratury, matyvaŭ zabivać dziaŭčynu ŭ abvinavačanaha nie było, tamu zabojstva kvalifikavana jak «z chulihanskich mierkavańniaŭ».
Trahiedyja zdaryłasia 6 lipienia 2010 hoda.
U 23.00 učastkovy milicyjanier Rahačoŭskaha RAUS paraniŭ z tabielnaha pistaleta ŭ słužbovaj mašynie
Jana atrymała ślapoje ahniastrelnaje ranieńnie hałavy.
Praz 10 dzion dziaŭčyna pamierła ŭ adździaleńni reanimacyi, nie prychodziačy ŭ prytomnaść.
U noč z 6 na 7 lipienia ŭ Žuravičach śviatkavali Kupalle. Za paradkam sačyli milicyjaniery Rahačoŭskaha RAUS. Abvinavačany pavinien byŭ znachodzicca tym časam na terytoryi inšaha sielsavieta. Dziaŭčyna i dźvie jaje siabroŭki sieli ŭ mašynu da troch milicyjanieraŭ i pajechali ź imi ŭ susiedniuju viosku Doŭsk, dzie i zdaryłasia trahiedyja.
Ustanoŭlena, što milicyjanier na momant učynieńnia złačynstva byŭ pjany — u jaho kryvi było pryblizna 1,8 pramile ałkaholu.
U kryvi jahokalehi-ŭčastkovaha , jaki taksama znachodziŭsia na miescy NZ, było 2 pramile ałkaholu. Treci milicyjanier uciok,
tamu jaho nie ahledzieli.
Paśla zabojstva bolš za 30 supracoŭnikaŭ i kiraŭnikoŭ sistemy MUS byli pryciahnuty da adkaznaści — ad vymoŭ da zvalnieńnia.
Kiraŭnictva Homielskaha UUS akazała siamji zahinułaj materyjalnuju dapamohu.
Čytać taksama: Za što pjany ŭčastkovy streliŭ u Ninu va ŭpor — žachlivyja padrabiaznaści
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary