Pra falsifikacyju prezidenckich vybaraŭ u Biełarusi zajaviŭ viadomy rasijski apazicyjny palityk Barys Niamcoŭ.
«Niekatoryja jeŭrapiejskija naziralniki vykazvajuć svajo zachapleńnie vybarami prezidenta Biełarusi, što prajšli ŭ niadzielu, — piša Niamcoŭ u svaim błohu na sajcie radyjostancyi „Echo Moskvy“. — Bieskaryśliva jany heta robiać ci nie — ja nie viedaju. Viedaju inšaje — vybary tatalna falsifikavany. Falsifikacyi pačalisia zadoŭha da dnia hałasavańnia».
Svaju pazicyju Niamcoŭ matyvuje tym, što «kandydaty mieli absalutna roznyja infarmacyjnyja mahčymaści». «Pavodle padlikaŭ sacyjołahaŭ, Łukašenka zajmaŭ 90% efirnaha času, a na ŭsich astatnich kandydataŭ prypadała 10%. Hramadskaja dumka, jak u Biełarusi, hetak i ŭ Rasii, i va ŭsim śviecie farmirujecca telebačańniem. Tak što televizijnyja manipulacyi i falsifikacyi vidavočnyja», — miarkuje palityk.
Aprača taho, «23% padniavolnych, u asnoŭnym piensijanieraŭ i biudžetnikaŭ nie kijem, dyk pałkaj zahanialisia na vybarčyja ŭčastki zadoŭha da dnia hałasavańnia. Skryni, dzie zachoŭvalisia biuleteni, nikim nie kantralavalisia. Dalej tłumačyć nie treba». Va ŭčastkovych vybarčych kamisijach pradstaŭnikoŭ ad apazicyi było «mienš za 1%», padlik hałasoŭ «byŭ addadzieny na vodkup Łukašenku i jaho bryhadzie».
«Falš i padman vyvieli spakojnych i pamiarkoŭnych biełarusaŭ ź siabie. Dziasiatki tysiač čałaviek vyjšli ŭčora nočču na płošču, — piša Niamcoŭ. — Łukašenka kiruje 16 hadoŭ. Jon užo ŭsich dastaŭ. I, jak by ni raźvivalisia ŭ dalejšym padziei, šancaŭ stać navat minimalna lehitymnym u jaho nijakich. A za pakalečanych i aryštavanych u noč z 19 na 20 śniežnia 2010 hoda jamu ŭsio roŭna daviadziecca adkazać».
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary