U Kijevie la pasolstva Biełarusi prajšła akcyja salidarnaści
21 śniežnia ŭ Kijevie pradstaŭniki hramadskich i pravaabarončych arhanizacyj, a taksama žurnalisty praviali pierad budynkam pasolstva Biełarusi va Ukrainie akcyju salidarnaści ź biełaruskimi kalehami, zatrymanymi padčas i paśla zaviaršeńnia akcyi pratestu 19 śniežnia ŭ Minsku.
Jak pieradaje UNIAN, u akcyi ŭziało ŭdzieł kala 50 čałaviek.
Udzielniki akcyi pryniali zvarot da biełaruskich uładaŭ z patrabavańniem vyzvalić zatrymanych udzielnikaŭ akcyi i spynić masavyja represii suprać apazicyi.
«Situacyja va Ukrainie taksama robicca padobnaj. Prava na svabodu mirnych schodaŭ taksama niaredka zakančvajucca niaŭdała dla ŭkrainskich aktyvistaŭ. I toje, što adbyłosia 19 śniežnia 2010, heta nievierahodnaja prajava žorstkaści ŭ dačynieńni da svaich hramadzian, a taksama parušeńnie ich prava na mirnyja schody «, — skazała ŭdzielnica akcyi, pradstaŭnik pravaabarončaha centra» Postup «(Łuhansk) Śviatłana Tarabanava.
Udzielniki akcyi taksama vylili na śnieh pierad pasolstvam punsovuju vadkaść jak simvał taho, što padčas akcyi pratestu ŭ Minsku ŭłada praliła kroŭ svaich hramadzian, jakija vystupili suprać vynikaŭ vybaraŭ prezidenta Biełarusi.
Padčas akcyi na płoščy Niezaležnaści ŭ Minsku byli raźbityja vokny i dźviery ŭ budynku, dzie znachodziacca ŭrad, nižniaja pałata parłamienta, a taksama Centralnaja kamisija Biełarusi pa vybarach i praviadzieńni respublikanskich refierendumaŭ.
Padčas akcyi i ŭ noč na 20 śniežnia było zatrymana bolš za 600 udzielnikaŭ mitynhu, a taksama praktyčna ŭsie kiraŭniki apazicyjnych palityčnych partyj.
Kamientary