Aryštavany kamandujučy Vajskova-pavietranymi siłami hienierał Azaronak
Aficyjna hienierał-majora Ihara Azaronka padazrajuć u art. 455 (złoŭžyvańnie ŭładaj, pieravyšeńnie ŭłady albo biaździejańnie ŭłady). Pakul niajasna, jak heta źviazana z Płoščaj.
Źviestki pra aryšt kamandujučaha VPS i vojskami SPA paćvierdžanyja Ministerstvam abarony i Prakuraturaj Biełarusi.
Pavodle aficyjnych krynic, hienierał-majora Ihara Azaronka padazrajuć u złačynstvie, jakoje traplaje pad artykuł 455 Kryminalnaha kodeksu Biełarusi (złoŭžyvańnie ŭładaj, pieravyšeńnie ŭłady albo biaździejańnie ŭłady). Maksimalnaje pakarańnie pavodle hetaha artykuła — pazbaŭleńnie voli na termin ad 3 da 12 hadoŭ.
U Minabarony kažuć, što adnosna Ihara Azaronka viaducca śledčyja dziejańni.
Dakładnych źviestak pra toje, kali aryštavali Ihara Azaronka i ŭ čym mienavita jaho padazrajuć, niama.Niama jasnaści, ci źviazany aryšt z padziejami 19 śniežnia.
Abaviazki kamandujučaha vykonvaje pieršy namieśnik — načalnik hałoŭnaha štaba VPS i vojskaŭ SPA Siarhiej Lemiašeŭski.
* * *
Ihar Azaronak. 48 hadoŭ. Naradziŭsia ŭ Čelabinsku. Skončyŭ Staŭrapolskaje vyšejšaje vajskovaje avijacyjnaje vučylišča lotčykaŭ i šturmanaŭ (1983), Vajenna‑pavietranuju akademiju imia Ju.Haharyna (1992), Vajskovuju akademiju Hienieralnaha štaba Uzbrojenych siłaŭ Rasii (2000).
Słužbu prachodziŭ va Ŭzbrojenych siłach Biełarusi na pasadach načalnika štaba — namieśnika kamandzira avijacyjnaj bazy, načalnika adździaleńnia apieratyŭnaha adździełu štaba VPS, namieśnika načalnika apieratyŭnaha adździełu štaba VPS.
U 2000 byŭ pryznačany na pasadu načalnika apieratyŭnaha adździełu — namieśnika načalnika štaba VPS Biełarusi. Dalej prachodziŭ słužbu na pasadach namieśnika načalnika 2‑ha upraŭleńnia Hałoŭnaha apieratyŭnaha ŭpraŭleńnia Hienieralnaha štaba PS RB, namieśnika načalnika hałoŭnaha štaba — načalnika apieratyŭnaha ŭpraŭleńnia hałoŭnaha štaba VPS i vojskaŭ SPA. U 2003 pryznačany kamandujučym vojskami Zachodniaha apieratyŭna‑taktyčnaha kamandavańnia VPS i vojskaŭ PVA Uzbrojenych siłaŭ Biełarusi.
Ukazam Łukašenki ad 16 listapada 2006 hoda pryznačany kamandujučym Vajenna‑pavietranymi siłami i vojskami supraćpavietranaj abarony Biełarusi.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary