Jarmošyna i nie dumała, što ABSIE pakładzie joj śvińniu
Staršynia Centrvybarkama Lidzija Jarmošyna nie dumała, što misija ABSIE daść niehatyŭnuju acenku vybaram. Pra heta jana zajaviła ŭ efiry prahramy «Kontury» telekanała ONT viečaram 26 śniežnia.
Rastłumačvajučy svaju pazicyju, jana skazała: «Bo ŭpieršyniu my praktyčna nie mieli zaŭvah da vynikovaj spravazdačy. Da ranicy 20 śniežnia zaŭvah nie było. Kali niešta nie ŭchvalałasia, to prosta fiksavałasia jak fakt».
Pavodle słoŭ Lidzii Jarmošynaj, Biuro pa demakratyčnych instytutach i pravach čałavieka ABSIE, jakoje arhanizoŭvała misiju nazirańnia, «da takoj stupieni pačało sabie prysvojvać šyrokija pravy», što, miarkuje jana, aŭtary kancepcyi mižnarodnaha nazirańnia ŭ 1990 hodzie nie mahli mierkavać, što «ŭ nas źjavicca niešta nakštałt kamiteta dziaržkantrolu ŭ składzie ABSIE». «Jany biaruć na siabie funkcyi nie tolki naziralnyja, ale i funkcyi karnyja, funkcyi, jakija daloka vychodziać za miežy samoj idei mižnarodnaha nazirańnia. Heta ŭžo ŭmiašańnie ŭ spravy ŭnutranaha dziaržaŭnaha suvierenitetu», — zajaviła Lidzija Jarmošyna.
Jana źviarnuła ŭvahu na toje, što misija ABSIE nie naziraje praktyčna nidzie, aprača krain SND i Hruzii. «U mianie takoje adčuvańnie, što, kali prybrać instytut nazirańnia, to hetaj arhanizacyi nie budzie ab čym rabić spravazdaču na svaich štohadovych samitach. A što jašče, aprača nazirańnia? Chiba prykładajucca
Jana zajaviła, što nie adčuvaje abarony ABSIE asabista jaje hramadzianskich pravoŭ, jakija, upeŭniena jana, parušanyja i ŭščemlenyja. Razmova idzie ab pravie na svabodu pieramiaščeńnia, pravie «čałavieka, jaki nie ŭčyniaŭ nijakaha złačynstva i nie pahražaje ni ŭ čym inšym dziaržavam», zaznačyła staršynia Centrvybarkama.
Jak viadoma, Lidzija Jarmošyna — adna ź niekalkich vysokapastaŭlenych biełaruskich čynoŭnikaŭ, jakim zakryty ŭjezd u krainy ES.
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary