Litoŭskija intelektuały: Hrybaŭskajcie, zrabicie ŭsio, kab vyzvalić palitviaźniaŭ
Litoŭski filozaf, deputat Eŭraparlamentu Leanidas Donskis razam z čatyrma dziasiatkami pradstaŭnikoŭ akademičnaha śvietu Litvy źviarnuŭsia z adkrytym listom da prezydenta Dali Hrybaŭskajcie, zaklikajučy jaje ŭžyć usie zachady dla vyzvaleńnia Alaksandra Fiaduty dy inšych viaźniaŭ mienskaha režymu.
«Dziela taho, što Alaksandar Fiaduta — časty i žadany hość na arhanizoŭvanych u Litvie navukovych kanferencyjach, lektar Eŭrapiejskaha humanitarnaha ŭniversytetu, jaki pracuje ŭ Litvie, čałaviek, jaki paśladoŭna padtrymlivaje demakratyčnyja pracesy, što adbyvajucca ŭ Litvie, my vykazvajem zaniepakojenaść jaho losam, tym bolš što A.Fiaduta maje słaboje zdaroŭje. My biezumoŭna zaniepakojenyja losam i inšych zatrymanych, adnak za A.Fiadutu pieražyvajem asabliva, bo budučy chvorym čałaviekam, hety navukoviec moža nia vytrymać ciažaru aryštu», — havorycca ŭ liście.
Pad adkrytym listom padpisalisia viadomyja ŭ Litvie navukoŭcy, universyteckija vykładčyki, litaratary.
U aŭtorak 28 śniežnia ŭ 17.00 ŭ halerei Mastakoŭ staroha horadu (Senamiesčio menininkų galerija, Totorių, 22) u Vilni litoŭskija paety i pierakładčyki ładziać čytańni salidarnaści ź biełaruskimi litaratarami.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary