Revalucyja vyjšła ŭ finał

Piatnica moža stać vyrašalnym dniom dla jehipieckich pratestaŭ. U Kair prybyŭ lidar apazicyi były kiraŭnik MAHATE Machamied al-Baradei, jaki pavinien uznačalić masavuju demanstracyju. Usiu minułuju noč u krainie nie ścichali chvalavańni, u Kairy z hranatamiota byli abstralanyja palicejskija pasty. Ułady aryštavali klučavych aktyvistaŭ isłamisckaha ruchu «Braty musulmanie». Jehipiet adrezany ad internetu, dostup u hłabalnuju sietku całkam pierakryty ź viečara čaćviarha.

Ci paŭtoryć jehipiecki prezident Chośni Mubarak los svajho tuniskaha kalehi Zina al-Abidzina bien Ali, jaki ŭciok z krainy na chvali masavych narodnych pratestaŭ 14 studzienia, moža stać zrazumieła ŭžo ŭ piatnicu.

Apazicyja pasprabuje sabrać usie svaje siły i pravieści novy «Dzień hnievu», najbujniejšuju akcyju hramadzianskaha niepadparadkavańnia adrazu ž paśla piatničnaha namaza.

U Kairy śpis miačeciaŭ, u jakich rychtujucca sabracca apazicyjaniery, uklučaje ŭžo bolš za 30 kultavych budynkaŭ.

«Jehipieckija musulmanie i chryścijanie vyjduć na vulicy dla baraćby suprać karupcyi, biespracoŭja, represij i adsutnaści svabody», — zaklikajuć jehipcian praciŭniki Mubaraka sa staronki hrupy «Ruchu 6 krasavika» u hrupie ŭ Facebook, u jakuju ŭstupili bolš za 70 tys. čałaviek. Dla ŭdziełu ŭ demanstracyi ŭ Kair ź Vieny prylacieŭ lider jehipieckaj śvieckaj apazicyi Machamied al-Baradei, były kiraŭnik MAHATE i łaŭreat Nobieleŭskaj premii miru. Jon zaklikaŭ prezidenta Mubaraka pakinuć svoj post dobraachvotna.

«Heta krytyčny čas u žyćci Jehipta. Ja pryjechaŭ, kab być u hetych padziejach ź jehipieckim narodam»,

— skazaŭ al-Baradei. «Žadańnie pieramienaŭ pavinna pavažacca. Režym nie pavinien vykarystoŭvać siłu ŭ dačynieńni da demanstrantaŭ», — dadaŭ jon.

U noč na piatnicu previentyŭna byli aryštavanyja nie mienš dvuch dziesiatkaŭ kiraŭnikoŭ isłamisckaha ruchu «Braty musulmanie», jakija taksama zaklikali svaich prychilnikaŭ vyjści na vulicy. Siarod aryštavanych u štab-kvatery ruchu — piać členaŭ biuro hetaj apazicyjnaj arhanizacyi i piać byłych členaŭ parłamienta, u tym liku adzin ź lidaraŭ ruchu Muchamied Mursa.

Aryšt kiraŭnikoŭ isłamisckaj apazicyi paćvierdziŭ AP pastajanny sudovy abaronca «Bratoŭ musulman» Abdelmanejm Abdel Maksud. U Kair ściahnutyja padraździaleńni śpiecnaza, jakija ŭziali pad pastajanny kantrol klučavyja pierakryžavańni i transpartnyja arteryi. Ministerstva ŭnutranych spraŭ abjaviła pra hatoŭnaść pryniać «rašučyja miery» ŭ vypadku, kali situacyja vyjdzie z-pad kantrolu.

Ranicaj sutyknieńni demanstrantaŭ z palicyjaj byli zafiksavanyja ŭ horadzie Suec. Pratestoŭcy zakidali dva palicejskija ŭčastki «kaktejlami Mołatava» i pasprabavali ŭziać šturmam turmy, u jakoj utrymlivajucca aryštavanyja napiaredadni apazicyjaniery. Napadu padvierhłasia i miascovaje adździaleńnie prezidenckaj Nacyjanalna-demakratyčnaj partyi.

ZŠA, dla jakich režym Mubaraka — nadziejny sajuźnik u rehijonie, zusim nie śpiašajucca padtrymlivać revalucyjny natoŭp, jak heta było ŭ Tunisie.

Vice-prezident Džozef Bajden u intervju PBS zaŭvažyŭ, što viedaje jehipieckaha lidera «dastatkova dobra» i nie ličyć jaho dyktataram.

U toj ža čas Bajdenu daviałosia adznačyć, što «nadyšoŭ čas dla prezidenta Mubaraka ruchacca ŭ bok bólšiej spahadlivaści na patreby narodu». Za niekalki dzion da hetaha ŭ štohadovym pasłańni da Kanhresu

prezident Barak Abama na ŭsiu moc vykarystaŭ «vyzvalenčuju» rytoryku, pryvitaŭšy «žaśminavuju revalucyju» u Tunisie i zaŭvažyŭšy, što ZŠA buduć padtrymlivać pamknieńni ŭsich narodaŭ da svabody i demakratyi.

Jehipiet całkam adrezany ad internetu. Ułady krainy pierakryli dostup u hłabalnuju sietku ŭ raźliku na toje, što apazicyjanieram nie atrymajecca skaardynavać svaje dziejańni pry dapamozie sacyjalnych sietak. Jašče raniej byŭ zabaronieny dostup da najbujniejšym sacyjalnych płatformach Facebook i Twitter. Abmien tekstavymi paviedamleńniami pry dapamozie mabilnaj suviazi taksama surjozna abciažarany.

Aficyjny pradstaŭnik dziarždepartamientu Filip Kroŭli ŭ svaim mikrabłohu adznačyŭ: «My zaniepakojenyja tym, što kamunikacyjnyja słužby, uklučajučy internet, sacyjalnyja miedyja i navat hety tvit zabłakavanyja ŭ Jehipcie».

Unutranaje napružańnie ŭ jehipieckim hramadstvie, jakim žorstkaj rukoj Mubarak kiruje z 1980 hoda, prarvałasia biesparadkami ŭ noč na sieradu.

Z tych časoŭ krainu lichamanić štodzionna. Achviarami chvalavańniaŭ stali nie mienš za 9 čałaviek, bolš za 600 apynulisia ŭ balnicy paśla sutyknieńniaŭ z palicyjaj.

• 0
• 0
• 0
• 0
• 0
• 0
• 0
• 0