1 lutaha adbudziecca pieršaje pasiedžańnie Vyšejšaha haspadarčaha suda pa pazovach dyrekcyi zakrytaha ŭładami «Aŭtaradyjo» da Ministerstva infarmacyi Biełarusi.
Jak paviedamiŭ dyrektar «Aŭtaradyjo» Juryj Bazan, «u sudzie praces — hruntoŭny, i Ministerstvu infarmacyi daviadziecca dakazvać, što ŭ nas u efiry byli sapraŭdy «ekstremisckija materyjały».
Ni ŭ pradpisańni nakont spynieńnia viaščańnia, ni ŭ papiaredžańni, vyniesienym Mininfarmacyi, niama nijakich tłumačeńniaŭ z hetaj nahody, padkreśliŭ kiraŭnik radyjo.
Nahadajem, 12 studzienia 2011 hoda «Aŭtaradyjo» atrymała pradpisańnie RUP «BiełDIE» Minsuviazi RB pra spynieńnie dziejańnia dazvołu na prava vykarystańnia radyjočastotnaha śpiektru i zabaronie na ekspłuatacyju radyjoelektronnych srodkaŭ. Pradpisańnie vynieśli na padstavie rašeńnie Respublikanskaj kamisii pa telebačańni i radyjoviaščańni 188/11 ad 11 studzienia 2011 hoda za podpisam staršyni kamisii ministra infarmacyi Pralaskoŭskaha. Kamisija paličyła, što ŭ efiry «Aŭtaradyjo» raspaŭsiudžvałasia infarmacyja, u jakoj źmiaščalisia publičnyja zakliki da ekstremisckaj dziejnaści.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB22
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary