I ŭ pačatku nastupnaha tydnia zachavajecca ciopłaje nadvorje.
U pačatku lutaha ŭ Biełarusi ŭstanaviłasia niezvyčajna ciopłaje nadvorje.
Heta źviazana z tym, što na terytoryju krainy nakiravalisia pavietranyja masy atłantyčnaha pachodžańnia. Siaredniasutačnaja tempieratura znachodzicca ŭ miežach 1–6 hradusaŭ marozu, što na 1–7 hradusaŭ vyšej za klimatyčnuju normu, paviedamiła hałoŭny sinoptyk Respublikanskaha hidramieteacentra Volha Fiadotava.
Pavodle jaje słoŭ, prytok akijaničnaha ciapła ŭ najbližejšyja dni tolki ŭzmocnicca. Atłantyčnyja cykłony buduć pieramiaščacca praz skandynaŭskija krainy na ŭschod. I ich atmaśfiernyja franty abumoviać apadki ŭ vyhladzie daždžu i mokraha śniehu ŭ mnohich rajonach Biełarusi. Miescami čakajecca słaby hałalod i hałalodzica na darohach. Prahnazujecca ŭzmacnieńnie vietru, a 4 lutaha miescami chutkaść vietru budzie dasiahać 15–18 mietraŭ za siekundu. Tempieratura pavietra hetaj nočču budzie vahacca ad 4 hradusaŭ marozu pa paŭnočnym uschodzie da 1 hradusa ciapła pa paŭdniovym zachadzie. Udzień 4 lutaha budzie ad minus 1 da plus 3 hradusaŭ.
U subotu i niadzielu časam čakajucca apadki ŭ asnoŭnym u vyhladzie daždžu. Mocny paryvisty viecier achopić značnuju častku terytoryi krainy. Tempieraturny fon u načnyja hadziny budzie vahacca ad minus 3 da plus 3 hradusaŭ. U dzionnyja hadziny tempieratura pavietra składzie ad minus 1 hradusa pa paŭnočnym uschodzie
da plus 6 hradusaŭ pa poŭdni.
Taki tempieraturny režym na 5–7 hradusaŭ ciaplejšy za zvyčajny dla hetaha času.
I ŭ pačatku nastupnaha tydnia zachavajecca nie pa siezonu ciopłaje nadvorje.
Časam čakajucca apadki, pieravažna ŭ vyhladzie daždžu.
Pavodle papiarednich raźlikaŭ, ź siaredziny nastupnaha tydnia sa skandynaŭskich krain na terytoryju našaj krainy nakirujecca pavietra paŭnočnych šyrot. Apadki buduć prachodzić užo ŭ vyhladzie śniehu, tempieratura pavietra pačnie panižacca.
U sieradu na praciahu sutak čakajecca 0–7 hradusaŭ marozu.
Na darohach stanie ślizka. A da kanca nastupnaha tydnia marazy ŭ Biełarusi ŭzmocniacca.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB22
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary