Namieśnik staršyni mižnarodnaj maładziožnaj arhanizacyi «Małady Front» (Čechija) Mikałaj Dziemidzienka 14 lutaha padaŭ u Minharvykankam zajaŭku na praviadzieńnie ŭ stalicy 25 sakavika šeścia da Dnia Voli.
Jak paviedamiŭ BiełaPAN Dziemidzienka, zhodna z zajaŭkaj, šeście pavinna pačacca, a 18 hadzinie na płoščy Svabody. Jaho ŭdzielniki płanujuć prajści da płoščy Niezaležnaści.
«My zaklikajem adznačyć Dzień Voli nie tolki pad łozunham vyzvaleńnia palitźniavolenych.
Dzień Voli pavinien prachodzić pad łozunham «Saša, sychodź!», — miarkuje Dziemidzienka.
Pavodle jaho słoŭ, «Małady front» nie moža pahadzicca na ŭmovy praviadzieńnia akcyi, prapanavanyja inšymi demakratyčnymi ruchami, jakija nie majuć dastatkovaha vopytu ŭ praviadzieńni vuličnych akcyj, takich jak ruch «Za Svabodu», Partyja BNF, inicyjatyva «Havary praŭdu!», sajuz «Za madernizacyju», partyja «Zialonyja», arhkamitet pa stvareńni Partyi svabody i prahresu. Hetyja struktury inicyjavali šeście 25 sakavika pa maršrucie Akademija Navuk — skvier Janki Kupały.
«U vypadku błakiravańnia 25 sakavika płoščy Svabody zbor udzielnikaŭ akcyi budzie adbyvacca na Kastryčnickaj płoščy», — zaznačyŭ Dziemidzienka.
Nahadajem, 14 lutaha ŭ Minharavykankam taksama była padadziena zajaŭka na praviadzieńnie ŭ stalicy 25 sakavika vuličnaj akcyi, pryśviečanaj čarhovym uhodkam abviaščeńnia Biełaruskaj Narodnaj Respubliki (BNR). Zajaŭku ŭ harvykankam padpisali lidary Partyi BNF Alaksiej Janukievič i ruchu «Za Svabodu» Alaksandr Milinkievič, namieśnik staršyni Abjadnanaj hramadzianskaj partyi Leŭ Marholin, pradstaŭniki kampanii «Havary praŭdu!» Andrej Dźmitryjeŭ, ruchu salidarnaści «Razam» Aleś Makajeŭ i arhkamiteta pa stvareńni partyi «Biełaruskaja chryścijanskaja demakratyja» Iryna Hubskaja.
Mitynh miarkujecca pačać u 18.00 kala budynka prezidyuma Nacyjanalnaj akademii navuk. U 19.00 pavinna pačacca šeście da skviera imia Janki Kupały, dzie z 20.00 da 21.00 płanujecca pravieści jašče adzin mitynh. Akcyja projdzie pad łozunhami «Svaboda palitźniavolenym!» i «Biełaruś budzie volnaj!».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary