Rašeńnie ab zakryćci ofisa ABSIE ŭ Minsku źjaŭlajecca kančatkovym, zajaviŭpres-sakratar biełaruskaha MZS Andrej Savinych 17 lutaha na bryfinhu, adkazvajučy na pytańnie ab mahčymaści pierahladu takoha rašeńnia.
«Biełaruski bok pryniaŭ svajo rašeńnie i pra heta paviedamiŭ našym partnioram pa ABSIE», — skazaŭ pradstaŭnik MZS.
Nahadajem, Parłamienckaja asambleja ABSIE na zimovaj siesii 24–25 lutaha ŭ Vienie (Aŭstryja) abmiarkuje situacyju z zakryćciom ofisa ABSIE ŭ Minsku.
«Uličvajučy vialikuju cikavaść parłamientaryjaŭ da padziej u Biełarusi ŭ śniežni minułaha hoda i ciapierašniaj situacyi, hetaje pytańnie budzie abmiarkoŭvacca», — paviedamili u
Nahadajem, 31 śniežnia pradstaŭnik Biełarusi pry mižnarodnych arhanizacyjach u Vienie Alaksandr Syčoŭ prainfarmavaŭ členaŭ Pastajannaha savieta ABSIE ab rašeńni Biełarusi zakryć ofis ABSIE ŭ Minsku.
Svaje dziejańni biełaruski bok matyvavaŭ «adsutnaściu abjektyŭnych padstaŭ dla zachavańnia misii ABSIE ŭ Biełarusi». Pry hetym u Minsku zajavili ab hatoŭnaści praciahvać uzajemadziejańnie ź instytutami ABSIE pa ŭsich kirunkach dziejnaści arhanizacyi.
Misija ABSIE pracavała ŭ Biełarusi z 1998 hoda. Rašeńnie zakryć ofis analityki źviazvajuć z tym, što naziralniki ad ABSIE pryznali minułyja prezidenckija vybary ŭ Biełarusi nie adpaviadajučymi standartam ABSIE.
Krainy Zachadu zaklikali biełaruskija ŭłady pierahledzieć rašeńnie ab zakryćci ofisa ABSIE. Viarchoŭny pradstaŭnik ES pa źniešnich suviaziach Ketryn Eštan i dziaržsakratar ZŠA Chiłary Klintan vystupili z sumiesnaj zajavaj, u jakoj skazana: «Jak pakazvaje krytyčnaja acenka ABSIE minułych prezidenckich vybaraŭ, vykanańnie mandata misii nie zavieršana. Vybary i ich nastupstvy, u pryvatnaści ŭtrymańnie pad vartaj kandydataŭ u prezidenty, a tažsama novyja zatrymańni i vobyski ŭ ŚMI, źjaŭlajucca krokam nazad u raźvićci demakratyčnaha kiravańnia ŭ Biełarusi».
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja2
Kamientary