Supracoŭnik pradpryjemstva paskardziŭsia ŭ «Našu Nivu» na blizkija da nula tempieratury ŭ cechach.
Supracoŭnik pradpryjemstva paskardziŭsia ŭ «Našu Nivu» na blizkija da nula tempieratury ŭ cechach.
U redakcyju «NN» źviarnuŭsia supracoŭnik minskaha AAT «Intehrał». Jon piša, što 14 lutaha na pradpryjemstvie zdaryłasia avaryja ŭ sistemie ciepłazabieśpiačeńnia. U vyniku ŭ pamiaškańniach «Intehrała» trymajecca nizkaja tempieratura (miescami ŭsiaho 3 hradusy ciapła). Ad hetaha, pavodle jaho słovaŭ, navat spyniali vytvorčaść, a častku supracoŭnikaŭ adpravili ŭ vymušany adpačynak za dźvie traciny zarobku. Ludzi vymušanyja byli pracavać u vopratcy.
Pavodle supracoŭnika pradpryjemstva, letaś na «Intehrale» zapracavała ŭłasnaja CEC. Liški ciapła vyrašyli pradavać na patreby susiednich žyłych damoŭ. Pavodle aficyjnaj viersii, piša supracoŭnik «Intehrała», avaryja zdaryłasia ŭ vyniku pieravyšeńnia cisku ŭ aciaplalnaj sistemie — nie vytrymali truby. Supracoŭniki ž miarkujuć, što na vychodnyja aciapleńnie adklučyli dziela ekanomii, truby raźmierźlisia dy łopnuli.
«U hety paniadziełak tempieratura ŭranku ŭ kabiniecie była ŭsiaho tolki +5, — piša čytač. — Da kanca pracoŭnaha dnia „nahreli“ da +9. Davodzicca ŭ kurtkach dy ŭ palito pracavać».
Hałoŭny inžynier pradpryjemstva Arkadź Turcevič spačatku admoviŭsia havaryć. Ale potym karotka adznačyŭ: «Usio ŭ nas pracuje.My, kali vam cikava, pracujem i ŭ vychadnyja dni». Na pytańnie, ci była ŭsio ž na «Intehrale» avaryja, Arkadź Ściapanavič adkazaŭ raspłyvista: «Na luboj vytvorčaści zdarajucca avaryi, praryvy na ciepłatrasach. Niejkija praryvy byli, ale jany adramantavanyja, my ŭžo daŭno pracujem».
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami9
Kamientary