Prezident ZŠA vystupiŭ z zajavaj pa situacyi ŭ Biełarusi.
Prezydent ZŠA Barak Abama vystupiŭ z zajavaj, u jakoj asudžaje prysudy byłym kandydatam u prezydenty Biełarusi i havoryć pra novyja sankcyi Złučanych Štataŭ suprać biełaruskich pradpryjemstvaŭ.
Tekst zajavy:
«Ja rašuča asudžaju sudovyja vyraki i pakarańni kandydatam na prezydenta Biełarusi Ŭładzimieru Niaklajevu, Andreju Sańnikavu, Vitalu Rymašeŭskamu, Mikałaju Statkieviču i Dźmitryju Vusu. Złučanyja Štaty ŭvažajuć hetych kandydataŭ i inšych śmiełych aktyvistaŭ i kandydataŭ, jakija byli aryštavanyja i abvinavačanyja ŭ suviazi z razhonam 19 śniežnia, za palityčnych viaźniaŭ.
Ich sudy byli jaŭna palityčna matyvavanymi i nie adpaviadali samym minimalnym standartam, jakija patrabujucca ad sumlennych i niezaležnych sudovych instancyjaŭ, što stała vialikim krokam nazad dla demakratyi ŭ Biełarusi. My vitajem šyroki mižnarodny kansensus što da asudžeńnia prezydenta Alaksandra Łukašenki i ŭradu Biełarusi ŭ hetym pytańni.
U adpaviednaści z našymi kaštoŭnaściami i pryncypami, urad ZŠA ŭviadzie novyja sankcyi suprać biełaruskich dziaržaŭnych pradpryjemstvaŭ, u dadatak da sankcyjaŭ, vizavych abmiežavańniaŭ i zamarožvańnia aktyvaŭ, abvieščanych 31 studzienia. Hetyja zachady nakiravanyja suprać adkaznych za represii, u pryvatnaści Alaksandra Łukašenki, i nie nakiravanyja suprać narodu Biełarusi. My kaardynujem svaje dziejańni ź inšymi ŭradami, zakłapočanymi hetym pytańniem, kab praz užyvańnie hnutkich mižnarodnych sankcyjaŭ pryvieści da adkaznaści biełaruskich uradoŭcaŭ, adkaznych za represiŭnyja dziejańni. My taksama pavialičyli našuju dapamohu ŭ padtrymku demakratyčnych reformaŭ u Biełarusi. My dałučajemsia da Eŭrapiejskaha Źviazu i našych inšych sajuźnikaŭ i partneraŭ u padtrymcy nadziejaŭ biełaruskaha narodu na sučasnaje, demakratyčnaje i zamožnaje hramadztva ŭ miežach Eŭropy».
Kamientary