Što prapanujuć klijentam biełaruskija ahrasiadziby

Adpačynak na radzimie: viaskovaja idylija.

Uzboč karaleŭskaj darohi

Admietnaść siadziby «Chutarok Jarynka» na Kamianieččynie — jaje susiedstva z kolišniaj «karaleŭskaj darohaj». Niekali toj darohaj Stanisłaŭ Aŭhust Paniatoŭski jeździŭ u hości da hrafini Maryi Patockaj u majontak Vysokaje. Siadziba znachodzicca na ŭskrajku vialikaha lesu, jaje atačajuć dziasiatki krynicaŭ. Jość sad, sažałka z rybaj. Haspadary pačastujuć haściej smačnaj juškaj, stravami biełaruskaj kuchni. Jość łaźnia. Možna pajści i ŭ duš.

Praduhledžanyja i ekskursii na vybar: ad naviedvańnia Biełaviežskaj puščy i strausavaj fiermy da ekskursii ŭ Kamianiec i Bresckuju krepaść.

«Chutarok Jarynka»

Bresckaja vobłaść, Kamianiecki rajon, v. Śvicičy, d. 24. T.: (029) 824-00-56; (025) 950-40-22 (Lidzija Ułasiuk).

***

Biełaruskamoŭnym — źnižki

Siadziba «Rodny kut» Julii Buka, što ŭ vioscy Vałodźkava Hłybockaha rajona, sioleta pieramahła ŭ konkursie «Najlepšaja ahraekasiadziba 2010 hoda» ŭ naminacyi «Zialonaja siadziba». Hałoŭnaja jaje asablivaść — naturalnaść. Tut niama sajdynhu i inšych prykmietaŭ sučasnaha žytła. Chatki dla haściej spadaryni Julii zachoŭvajuć atmaśfieru sialanskaha žytła. Zrešty, dla bolš patrabavalnych haściej jość chatka sa «zručnaściami».

Siadzibu atačaje les, pobač voziera Akuniova. Vakoł ciša i spakoj.

Haspadary prapanujuć źnižki dla siemjaŭ ź dzietkami, dla vialikich hrupaŭ, a taksama dla biełaruskamoŭnych haściej.

«Rodny kut»

Viciebskaja vobłaść, Hłybocki rajon, v. Vałodźkava. T.: (02156) 36-357; (029) 109-51-89 (Julija Buka).

***

Spatkańnie la Śviatoha voziera

Siadziba «Spatkańnie» mieścicca ŭ vioscy Streńki Rahačoŭskaha rajona. Prydatnaja jak dla siamiejnaha, tak i dla samotnaha adpačynku. Dla siemjaŭ ź dzietkami majecca dziciačy pakoj. Pobač ź vioskaj — voziera Śviatoje. Haściej čakajuć kupańnie i rybałka, chatnija stravy, šašłyk, harodnina i sadavina z prysiadzibnaha ŭčastka. Adpačyŭšy na pryrodzie, možna naviedacca ŭ Centr narodnych ramiostvaŭ, što dziejničaje ŭ Streńkach.

«Spatkańnie»

Homielskaja vobłaść, Rahačoŭski rajon, v. Streńki, vuł. Babrujskaja, d.4a. T.: (029) 640-47-99 (Siarhiej Sierhijenka).

***

Pakul nie pabudavali AES, treba jechać u Astraviecki rajon

Siadziba «Padkaściołak» staić uzboč darohi Vilnia—Połack. Adsiul litaralna sotnia mietraŭ da voziera Haładzianka (Saračanskija aziory). Navokał les, čystaje pavietra. Siadziba prydatnaja dla siamiejnaha i karparatyŭnaha adpačynku, tam možna ładzić śviatočnyja i dziełavyja mierapryjemstvy. Jość mahčymaść pakatacca na čaŭnach, katamaranach, zaniacca vindsiorfinham. Kali vada — nie vaša stychija, možna prajścisia pa lesie, paźbirać hryboŭ i jahadaŭ. Jość mahčymaść paparycca ŭ łaźni, a na noč raźmiaścicca ŭ starym humnie.

«Padkaściołak»

Hrodzienskaja vobłaść, Astraviecki rajon, chutar Padkaściołak. T.: (029) 388-86-88; (029) 627-27-89 (Eduard Vajciachovič).

***

Na koniach bieraham Soža

Siadziba «Błakitny Sož» u vioscy Kaśkova Mścisłaŭskaha rajona prapanuje adpačynak dla cieła i dušy. Jana mieścicca na bierazie Soža — idealnaje miesca dla kupańnia i rybałki. Pobač les: jahady, hryby i lekavyja travy. Amatary aktyŭnaha adpačynku mohuć zhulać u valejboł, prajechacca na koniach. Na zamovu haściej haspadary arhanizujuć muzyčnyja mierapryjemstvy ź pieśniami i tancami. Na terytoryi siadziby dziejničaje placoŭka dla dziciačych hulniaŭ. I, naturalna, stravy nacyjanalnaj kuchni, łaźnia z param i vienikam.

Pa žadańni arhanizujecca naviedvańnie Uśpienskaha manastyra ŭ Pustynkach. Tut bje hajučaja krynica, pa vadu ź jakoj jeduć zdalok. A pobač Rasija — možna piaškom schadzić. Pabačyć, jak žyvie sajuznaja dziaržava. (Ekstrym!)

«Błakitny Sož»

Mahiloŭskaja vobłaść, Mścisłaŭski rajon, v. Kaśkava. T.: (029) 312-65-59 (Alaksandr Savuškin).

***

«Ščodry Zajac»

Siadziba «Ščodry Zajac», što ŭ vioscy Siałoŭščyna Biarozaŭskaha rajona, prapanuje adpačynak dla ludziej z aŭto. U vakolicach bahata cikavych miaścinaŭ. Za 10 km pačynajecca Respublikanski bijałahičny zakaźnik «Sporaŭski»: možna pabačyć reliktavaje bałota ź jaho raznatraŭjem i redkimi vidami ptušak — nakštałt viartlavaj čarotaŭki i arłana-biełachvosta. Rajon bahaty i histaryčnaj spadčynaj: manastyr u Biarozie, siadziba Pusłoŭskich u vioscy Piaski .

«Ščodry Zajac»

Bresckaja vobłaść, Biarozaŭski rajon, v.Siałoŭščyna, vuł. Horkaha, d. 18. T. : (01643) 48-126 (Maryja Zajcava).

***

Pad śpievy sałaŭja

Siadziba «U Ničyparaŭ», što ŭ vioscy Mahilna Staŭbcoŭskaha rajona, asabliva pryvabnaja ŭ mai. Vakoł jaje raście jabłynievy sad, u jakim tak pryhoža śpiavajuć sałaŭi.

Na siadzibie jość nievialikaja sažałka, kala jaje — altanki, dziciačaja placoŭka.

Zusim blizka — hrybnyja lasy i Nioman. Amataraŭ historyi zacikavić zamčyšča XVI—XVII stahodździaŭ, mahilnianskija vakolicy, što poŭniacca lehiendami pra toje, jak litoŭski kniaź Rynhold biŭsia tut z vojskami ruskich kniazioŭ i tataraŭ.

Amataraŭ hastranamii haspadary pačastujuć faršavanym ščupakom, dranikami, babkaj. Samo saboj — śviežaja harodnina, što raście pobač u parniku i na ŭčastku.

Haściam prapanujucca ekskursii ŭ Niaśviž, Mir, viosku Nadnioman z reštkami siadziby Jodkaŭ, muziej Jakuba Kołasa ŭ Mikałajeŭščynie.

«U Ničyparaŭ»

Minskaja vobłaść, Uździenski rajon, v. Mahilna, vulica Maładziožnaja,14. T.: (29) 109-66-85 (Ała Ničyparovič).

***

Na płytach pa Niomanie i Biarezinie

Haspadar siadziby «Dakudava», što na Lidčynie, Juryj Aharka, ładzić spłavy pa Niomanie i Biarezinie na płytach, a taksama pachody na bajdarkach. Na kožnym z dvuch płytoŭ spadara Juryja z kamfortam mohuć raźmiaścicca dvanaccać čałaviek. Heta ŭnikalnaja mahčymaść adčuć siabie płytahonam. U časie spłavaŭ robiacca prypynki dla hrybnych i jahadnych zboraŭ, rybałki i kupańnia.

Amataraŭ asiełaha adpačynku čakaje siadziba «Dakudava». Tut pačastujuć sialanskimi prysmakami — małakom, tvarahom, miodam, harodninaj i sadavinoj. A najbolš cikaŭnyja navučacca daić karovu, jeździć na kani.

«Dakudava»

Hrodzienskaja vobłaść, Lidski rajon, v. Dakudava, d. 14. T.: (029) 280-31-41; (01561) 78-240 (Juryj Aharka).

• 0
• 0
• 0
• 0
• 0
• 0
• 0
• 0