Vyznačany štam bakteryi, što vyklikała vybuch kišačnaj infiekcyi ŭ Niamieččynie
Jeŭrapiejski centr pa kantroli i prafiłaktycy zachvorvańniaŭ vyjaviŭ štam bakteryi Escherichia coli (kišačnaj pałački), jakaja vyklikała vybuch kišačnaj infiekcyi ŭ šerahu krain Jeŭrasajuza, paviedamlajuć
Pieršapačatkova zafiksavanaja na poŭnačy Hiermanii kišačnaja infiekcyja zabrała žyćci 17 čałaviek u FRH i adnaho ŭ Šviecyi. Vypadki zachvorvańnia zarehistravanyja ŭžo ŭ dzieviaci krainach Jeŭropy.
Bakteryja E. soli, pavodle dadzienych Suśvietnaj arhanizacyi achovy zdaroŭja, časta prysutničaje ŭ kišačniku ludziej i ciepłakroŭnych žyvioł. Bolšaść jaje štamaŭ biasškodnyja, ale niekatoryja štamy, takija jak enterahiemarahičnaja kišačnaja pałačka (EHEC), mohuć vyklikać ciažkija chvaroby charčovaha pachodžańnia.
Śpiecyjalisty Jeŭrapiejskaha centra pa kantroli i prafiłaktycy zachvorvańniaŭ paviedamlajuć, što pryčynaj zachvorvańniaŭ źjaŭlajecca redki štam E. soli, jaki naležyć da sieratypaŭ (varyjatyŭnaści ŭsiaredzinie padvidaŭ bakteryj abo virusaŭ) 0104: H4. Dadzieny štam byŭ vydzieleny z tkanin siami chvorych u Hiermanii i dvuch u Danii.
Krynica pašyreńnia infiekcyi dahetul nieviadomaja, ale, vierahodniej za ŭsio, joj źjaŭlajecca zaražanaja ježa. Pakul niama nijakich prykmietaŭ, što takoj krynicaj mahli stać syroje małako abo miasa, adznačajecca ŭ paviedamleńni vučonych.
Raniej mierkavałasia, što pieranosčykam uzbudžalnika zachvorvańnia źjaŭlajucca sałatnyja ahurki ź Ispanii, adnak paśla analizu hetaja infarmacyja nie paćvierdziłasia.
Simptomy vyklikanych bakteryjami EHEC chvarob — kryvavaja dyjareja, padvyšanaja tempieratura i vanity. Bolšaść pacyjentaŭ adužvaje na praciahu dziesiaci dzion, ale ŭ niaznačnaj kolkaści pacyjentaŭ (małych dziaciej i ludziej stałaha vieku) chvaroba moža pryniać ciažkuju formu z pahrozaj dla žyćcia.
Pa dadzienych na čaćvier, u Niamieččynie zafiksavana kala 2 tysiač vypadkaŭ zachvorvańnia. Uračy adznačajuć rost kolkaści chvorych štodnia ŭ asobnych rehijonach krainy na niekalki sotniaŭ čałaviek.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary