Ambasadar Italii: Vizit Bierłuskoni ŭ Biełaruś najbližejšym časam małavierahodny

U čaćvier ambasada Italii ŭ Biełarusi zładziła śviatočny pryjom z nahody Dnia Respubliki. Pryjom prachodziŭ na ŭskrajku Minska ŭ adnym sa spartovych kłubaŭ. Pavinšavać italjanskich dypłamataŭ pryjšli pradstaŭniki amal usich ambasad, akredytavanych u Biełarusi, palityki, hramadskija dziejačy.

Aficyjnaja častka była vielmi karotkaj. Ź nievialikaj pramovaj vystupiŭ ambasadar Arnalda Abieci. I ź niekalkimi słovami ŭ adkaz — namieśnik ministra zamiežnych spravaŭ Biełarusi Alaksandr Hurjanaŭ.

Padčas nieaficyjnaj častki spadar Arnalda Abieci adkazaŭ na pytańni Jeŭraradyjo.

— Peŭny čas tamu Alaksandr Łukašenka pahražaŭ tym, što ź Biełarusi buduć vysłanyja niekatoryja dypłamaty krain ES ź Biełarusi. Ci pryniali vy hetuju pahrozu ŭ svoj adras? Naprykład, praz toje, što nie ŭziali ŭdziełu va ŭskładańni viankoŭ 9 traŭnia?

— Na ŭskładańni viankoŭ 9 traŭnia ambasadary nie prysutničali, tamu što ich nie zaprasili. Prynamsi, peŭnuju častku dypłamatyčnaha korpusa. Što da vykazvańniaŭ spadara Łukašenki, to ja, pavažajučy jaho pasadu, nie budu ich kamientavać. U lubym vypadku, kali śledam za jaho vykazvańniem buduć pryniatyja niekatoryja dziejańni, to zrazumieła, što adkaznaść budzie na im. I ni na kim inšym.

— Niekalki dzion tamu źjaviłasia infarmacyja, što ŭ Biełaruś moža pryjechać prem'jer-ministr Italii Silvijo Bierłuskoni. Praŭda, hetaja infarmacyja była abvierhnutaja, ale ci mahčymy taki vizit najbližejšym časam?

— Hetaja infarmacyja ŭźnikła praz pamyłku advakata Bierłuskoni. Bo jon nazvaŭ Biełaruś zamiest Rumynii, zamiest Bucharesta. Što ž da vierahodnaści vizitu, to ja b ustrymaŭsia ad niejkich prahnozaŭ. Ale nie dumaju, što najbližejšym časam taki vizit mahčymy. Nieabchodna pamiatać, što Italija ŭ lubym vypadku siabra i zasnavalnik Jeŭrapiejskaha sajuza.

— A jak siabra i zasnavalnik Jeŭrapiejskaha sajuza Italija padtrymlivaje pazicyju niekatorych krain ES, jakija vykazvajucca za pašyreńnie sankcyj suprać Biełarusi?

— Italija zajmaje vielmi vyraznuju pazicyju. Častkova hetamu paspryjaŭ i ja. Ja ŭpeŭnieny, što niekatoryja rašeńni nieabchodnyja, ale dźviery dla dyjałohu pavinnyja zaŭsiody zastavacca adčynienymi. I takim čynam usio, što moža pieraškodzić mahčymamu dyjałohu, Italija pastarajecca da apošniaha paźbiahać. Rašeńni, jakija prymajucca ŭ Bruseli, prymajucca na centralnym uzroŭni Jeŭrapiejskaha sajuza. Takim čynam, adkaznaść budzie na lidarach Italii, jakija pavinnyja buduć u peŭny momant, u zaležnaści ad situacyi, prymać peŭnyja rašeńni.

— Vy pracujecie ŭ Biełarusi nie vielmi daŭno, ale ci prymajecie blizka da serca tyja padziei, jakija tut adbyvalisia zusim niadaŭna i adbyvajucca ciapier?

— Ja jak dypłamat pavinien ustrymlivacca ad taho, kab vykazvać mierkavańni pra peŭnyja padziei. Ale adnu reč ja zaŭsiody kazaŭ i budu paŭtarać — ja adčuvaju siabie vielmi blizka da Biełarusi i da jaje naroda.

— Čas ad času Vam davodzicca sustrakacca ź biełaruskimi čynoŭnikami, pradstaŭnikami ŭrada. I ja viedaju, što vy imkniaciesia naładzić bolš ciesnyja stasunki pamiž našymi krainami. Što adkazvajuć našy čynoŭniki na hetyja pamknieńni? Što pieraškadžaje našym krainam supracoŭničać?

— U mianie byli vizity vietlivaści, jakija ja rabiŭ roznym pradstaŭnikam biełaruskaha ŭrada. Padčas ich ja zaŭsiody jasna i vyrazna paŭtaraŭ, što ja chacieŭ by dziejničać takim čynam, kab palepšyć jakaść našych stasunkaŭ. Jakija i tak niadrennyja. Ale ja adzin nie zmahu hetaha zrabić. I pryncypovy adkaz na maje słovy zaŭsiody stanoŭčy. Zrazumieła, što časam prymajucca inšyja rašeńni, jakija nie zaležać ad maich surazmoŭcaŭ. I časta hetyja rašeńni źmianšajuć volu da ŭdaskanaleńnia tych stasunkaŭ, jakija mieli b tendencyju da vyrašeńnia ci bolš paskoranaha raźvićcia.

• 0
• 0
• 0
• 0
• 0
• 0
• 0
• 0