Pad Babrujskam prachodzić mižnarodny motafiestyval «Vaŭčynyja ściežki»
Va ŭročyščy Hlinišča pad Babrujskam 3–5 červienia prachodzić mižnarodny motafiestyval «Vaŭčynyja ściežki».
Jak paviedamiŭ adzin z arhanizataraŭ, kiraŭnik babrujskaha motakłuba «Načnyja vaŭki» Arman Žanajdaraŭ, adna z metaŭ fiestyvalu — pryciahnuć uvahu ŭład i hramadskaści da ekstremalnych vidaŭ sportu, «pakazać, što ludzi, jakija imi cikaviacca, — heta dosyć vialikaja prasłojka našaha hramadstva».
Pavodle słoŭ arhanizataraŭ mierapryjemstva, u im biaruć udzieł kala 10 tysiač čałaviek — z usich abłaściej Biełarusi, Prybałtyki, Ukrainy, Rasii. U prahramie fiestyvalu — kancert, bai biez praviłaŭ pamiž kamandami Biełarusi i Ukrainy, spabornictvy pa
Jon adznačyŭ, što ŭdzielniki fiestyvalu — heta nie amatary, a «dziejnyja spartsmieny, jakija vystupajuć i na jeŭrapiejskich spabornictvach, i na respublikanskich, uvachodziać u składy roznych kamand». Pieramožcy spabornictvaŭ buduć uznaharodžany dypłomami, kubkami, kaštoŭnymi padarunkami.
Razam z tym Žanajdaraŭ ukazaŭ na roznaha rodu składanaści, jakija ŭźnikali pry padrychtoŭcy fiestyvalu. «Čym bližej padychodzili da fiestyvalu, tym usio było składaniej. Ekanamičnaja situacyja ŭ pieršuju čarhu i nierazumieńnie takich fiestyvalaŭ z boku vykanaŭčaj ułady. Heta nietradycyjny ŭ nas jašče fiestyval. Techničnyja vidy sportu, techničnyja vidy tvorčaści ŭ nas słaba raźvityja, — skazaŭ Žanajdaraŭ. — Jašče jość ludzi, jakija siadziać z časoŭ Savieckaha Sajuza i žyvuć pa pryncypie: chaj ničoha nie adbyvajecca, tady ničoha i nie adbudziecca».
Pry hetym Žanajdaraŭ adznačyŭ, što Babrujski rajvykankam daŭ na fiestyval techniku, a harvykankam vydzieliŭ achovu.
Pavodle jaho słoŭ, u nastupnym hodzie, kali budzie padtrymka z boku dziaržavy, prahrama fiestyvalu budzie pašyrana. «Jość takija rečy, jak maŭntynbajk, skiejtbardysty. Heta maładziožnyja subkultury, jakija treba raźvivać, kab potym mieć zdarovuju prasłojku hramadstva», — upeŭnieny kiraŭnik babrujskaha motakłuba «Načnyja vaŭki».
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ50
Kamientary