Biełaruś moža pieraadoleć finansavy kryzis na praciahu 15—18 miesiacaŭ. Takoje mierkavańnie vykazaŭ 7 červienia na sustrečy z žurnalistami namieśnik ministra finansaŭ Rasii Siarhiej Storčak.
Pry hetym, pavodle jaho mierkavańnia, prahrama ekanamičnych mier u miežach kredytu MVF, chutčej za ŭsio, uzmocnić efiektyŭnaść tych mier, jakija stali ŭmovaj akazańnia finansavaj padtrymki JeŭrAzES.
4 červienia było ŭchvalena rašeńnie ab vydzialeńni Biełarusi kredytu z Antykryzisnaha fondu JeŭrAzES na 3 młrd. dołaraŭ. Staŭka płavaje, adpaviadaje aryjenciram pa zapazyčańniach RF (zaraz — 4,1%). Srodki buduć vydzialacca niekalkimi tranšami na praciahu 2011—2013 hadoŭ, u zaležnaści ad vykanańnia makraekanamičnych umoŭ kredytnaj prahramy.
Jak paviedamlaje RIA Novosti, Storčak udakładniŭ, što ŭsiaho ŭ hetaj prahramie pryblizna 15 pazicyj.
"Pryvatyzacyja — heta adzin elemient z, napeŭna, 15 pazicyj",— skazaŭ namieśnik ministra, adznačyŭšy, što nie moža paviedamić inšyja ŭmovy davańnia kredytu, bo pytańnie pra abviaščeńnie takoj infarmacyi nie było ŭzhodniena ź biełaruskim bokam.
Raniej nazyvaŭsia abjom pryvatyzacyi aktyvaŭ, jakuju pavinna ažyćciavić Biełaruś zhodna z ŭmovami kredytu JeŭrAzES, — 7,5 młrd. dołaraŭ na praciahu troch hadoŭ.
Kali prahnazavać raźvićcio ekanamičnaj situacyi ŭ Biełarusi z ulikam kredytnaj padtrymki, "to atrymajecca, jak u nas (u Rasii. — RIA Novosti.) było ŭ 1998 hodzie, — spačatku hłybokaje padzieńnie, a potym chutki adskok i chutkaje adnaŭleńnie, kali tolki liniju na adziny valutny kurs, na vykarystańnie rynkavych instrumientaŭ kiravańnia ekanomikaj jany vytrymajuć", adznačyŭ Storčak.
"Z ulikam raniejšych niadrennych začynaŭ, jakija ŭ ich byli z punkta pradukcyjnaści pracy i sacyjalnaj stabilnaści, ja dumaju, što niekatoryja prablemy manietarnaha charaktaru jany ŭ stanie buduć pieraadoleć dosyć chutka", — skazaŭ namieśnik kiraŭnika Minfina RF, udakładniŭšy, što heta moža zaniać 15—18 miesiacaŭ.
Pavodle jaho słoŭ, rasijski bok vitaje zvarot Biełarusi pa kredyt MVF.
Na minułym tydni biełaruski ŭrad źviarnuŭsia z prośbaj da MVF adkryć novuju prahramu dla krainy. Pry hetym Minsk zapytvaje 3,5—8 młrd. dołaraŭ na try—piać hadoŭ.
"Naša prahrama raźličana na 36 miesiacaŭ. Chutčej za ŭsio, stend-baj MVF budzie taksama aryjentavany na hetyja ž terminy", — adznačyŭ namieśnik kiraŭnika rasijskaha Minfina.
Pavodle jaho słoŭ, budzie cikava pahladzieć, nakolki makraekanamičnaja prahrama dla Biełarusi, jakaja stała ŭmovaj vydzialeńnia kredytu z Antykryzisnaha fondu JeŭrAzES, budzie ŭzhadniacca z prapanovami i idejami MVF.
"Ja dumaju, što sinierhija dźviuch prahram budzie vielmi dobraj", — skłaŭ Storčak.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary