Litoŭskaja handlovaja sietka abviarhaje źviestki pra vychad na biełaruski rynak.
Litoŭskaja handlovaja sietka Maxima grupė abviarhaje źviestki pra toje, što kampanija vychodzić na biełaruski rynak,paviedamiła delfi.lt.
«Mahu tolki adno skazać:
na samaj spravie Maxima grupė nijakaha pašyreńnia ŭ Biełarusi nie viadzie», —skazaŭ dyrektar departamienta pa farmavańni imidžu Hiedrus Juazapavičus.
Pavodle jaho słoŭ,
paviedamleńni pra raźvićcio hrupaj biznesu ŭ Biełarusi, jakija źjavilisia ŭ druku, — «kačka».
12 sakavika, biełaruskija ŚMI raspaŭsiudzili infarmacyju pra toje, što ŭ bližejšy čas u Biełarusi pačniecca aktyŭnaje budaŭnictva sietki litoŭskich supiermarkietaŭ Maxima, a pieršy supiermarkiet źjavicca ŭ Savieckim rajonie Minska, na skryžavańni vulic Šyrokaj i Bahdanoviča.
Pieršym infarmacyju nadrukavaŭ sajt
«Heta nie była aficyjnaja infarmacyja, voś adzinaje, što ja mahu prakamientavać, —skazała siońnia „Našaj Nivie“ supracoŭnica Kamitetu architektury i horadabudaŭnictva. — Kali chočacie atrymać aficyjnuju, padajcie zvarot u piśmovym vyhladzie. Jon budzie vielmi chutka razhledžany». Čynoŭnica ŭsio ž vykazała spadziavańnie, što hipiermarkiet «moža i budzie pabudavany».
Dyk ci byli płany budavać «Maksimu» ŭ Minsku?
PaźniejInviestary prapracoŭvajuć pytańnie pra ŭdzieł u budaŭnictvie «viadomych jeŭrapiejskich sietkavych handlovych kampanij».«Minsk-naviny» źmiaścili ŭdakładnienuju infarmacyju: supiermarkiet na rahu Bahdanoviča i Šyrokaj źbirajecca budavać inšaja litoŭskaja kampanija — «Hlera Kapa».
«Hlera Markiet» — litoŭskaja kampanija, jakaja spadziajecca pabudavać sietku nievialikich kramaŭ pa ŭsioj Biełarusi. Pahadnieńni nakont budaŭnictva zaklučanyja ŭ Połacku, Śvietłahorsku, Salihorsku, Rečycy, Žłobinie i Mazyry. Kožnaja z damoŭ praduhledžvaje bolš za $1 miljon jeŭra inviestycyj. Ciapier litoŭcy chočuć zaniać svaju nišu ŭ Minsku.
Zastajecca niajasnym: ci to «Maksima» apieratyŭna «asadziła nazad», spałochaŭšysia ekanamičnych sankcyj ES, ci to adbyłasia ŭsio ž pamyłka z nazvami kampanij.
Kamientary