Літоўская гандлёвая сетка абвяргае звесткі пра выхад на беларускі рынак.
Літоўская гандлёвая сетка Maxima grupė абвяргае звесткі пра тое, што кампанія выходзіць на беларускі рынак,паведаміла delfi.lt.
«Магу толькі адно сказаць:
на самай справе Maxima grupė ніякага пашырэння ў Беларусі не вядзе», —сказаў дырэктар дэпартамента па фармаванні іміджу Гедрус Юазапавічус.
Паводле яго слоў,
паведамленні пра развіццё групай бізнэсу ў Беларусі, якія з’явіліся ў друку, — «качка».
12 сакавіка, беларускія СМІ распаўсюдзілі інфармацыю пра тое, што ў бліжэйшы час у Беларусі пачнецца актыўнае будаўніцтва сеткі літоўскіх супермаркетаў Maxima, а першы супермаркет з’явіцца ў Савецкім раёне Мінска, на скрыжаванні вуліц Шырокай і Багдановіча.
Першым інфармацыю надрукаваў сайт
«Гэта не была афіцыйная інфармацыя, вось адзінае, што я магу пракаментаваць, —сказала сёння „Нашай Ніве“ супрацоўніца Камітэту архітэктуры і горадабудаўніцтва. — Калі хочаце атрымаць афіцыйную, падайце зварот у пісьмовым выглядзе. Ён будзе вельмі хутка разгледжаны». Чыноўніца ўсё ж выказала спадзяванне, што гіпермаркет «можа і будзе пабудаваны».
Дык ці былі планы будаваць «Максіму» ў Мінску?
ПазнейІнвестары прапрацоўваюць пытанне пра ўдзел у будаўніцтве «вядомых еўрапейскіх сеткавых гандлёвых кампаній».«Мінск-навіны» змясцілі ўдакладненую інфармацыю: супермаркет на рагу Багдановіча і Шырокай збіраецца будаваць іншая літоўская кампанія — «Глера Капа».
«Глера Маркет» — літоўская кампанія, якая спадзяецца пабудаваць сетку невялікіх крамаў па ўсёй Беларусі. Пагадненні наконт будаўніцтва заключаныя ў Полацку, Светлагорску, Салігорску, Рэчыцы, Жлобіне і Мазыры. Кожная з дамоў прадугледжвае больш за $1 мільён еўра інвестыцый. Цяпер літоўцы хочуць заняць сваю нішу ў Мінску.
Застаецца няясным: ці то «Максіма» аператыўна «асадзіла назад», спалохаўшыся эканамічных санкцый ЕС, ці то адбылася ўсё ж памылка з назвамі кампаній.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары