A pierad hetym, na katalicki Vialikdzień, nadvorje pahoršycca.
U hetyja vychadnyja ŭmovy nadvorja znoŭ pahoršacca pad upłyvam atmaśfiernych frantoŭ cykłonu z Karpat, jaki źmiaščajecca ŭ bok Smalenskaj vobłaści. Na bolšaj častcy terytoryi krainy projduć apadki. U subotu pa paŭdniovym uschodzie prahrymiać navalnicy. Tempieratura ŭnačy budzie ad minus 3 hradusaŭ na paŭnočnym zachadzie krainy da plus 6 na paŭdniovym uschodzie Homielskaj vobłaści. Dniom pavietra prahrejecca da plus 3–10 hradusaŭ, pa paŭdniovym uschodzie krainy čakajecca 11–17 hradusaŭ ciapła.
U niadzielu znoŭ stanie chaładniej, projduć apadki ŭ vyhladzie mokraha śniehu. Tempieratury pavietra ŭnačy budzie ad minus 3 da plus 3 hradusaŭ, dniom — 2–8 hradusaŭ ciapła.
U pačatku nastupnaha tydnia apadki pastupova spyniacca, ale stanie chaładniej. Tempieratura pavietra ŭ načnyja hadziny budzie ad nula da 7 hradusaŭ marozu, dniom — ad nula da 7 hradusaŭ ciapła, što na 2–3 hradusy nižej dla hetych dataŭ krasavika.
Pad upłyvym skandynaŭskaha antycykłonu ź siaredziny tydnia ŭstalujecca suchoje nadvorje. Nočču i ranicaj u asobnych rajonach čakajecca słaby tuman, na niekatorych učastkach daroh hałalodzica. Tempieratura pavietra ŭ načnyja hadziny budzie vahacca ad nula da minus 6 hradusaŭ, miescami pry prajaśnieńniach — da minus 8.
Dniom, 11 i 12 krasavika, pavietra prahrejecca da plus 5–10 hradusaŭ, a pa paŭdniovym zachadzie — da 11–15 hradusaŭ ciapła. Ź siaredziny tydnia i da pravasłaŭnaha Vialikadnia ŭ Biełarusi čakajecca paciapleńnie.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary