Pieśniu BY YOU aŭtary nazyvajuć «čarnobylskaj kałychankaj».
Napiaredadni hadaviny Čarnobylskaj katastrofy hurt Naka pradstaŭlaje na partale Tuzin. FM svoj novy klip, zrobleny na pieśniu BY YOU.
Heta dobra viadomy trek hurta, ź im muzyki debiutavali ŭ čarcie na «Tuzinie Hitoŭ» u 2008 hodzie. Na toj čas heta była ich pieršaja kampazicyja na biełaruskaj movie. Sama śpiavačka Nasta Špakoŭskaja nazvała tady hetuju pieśniu «čarnobylskaj kałychankaj».
Muzyki adrazu chacieli zrabić videarolik na BY YOU i doŭhi čas šukali režysiora, jaki b uziaŭsia za składany materyjał. Urešcie taki čałaviek znajšoŭsia. Režysioram i adnačasova mastakom videa stała maładaja dyzajnierka Nasta Šastak. Jana prapanavała hurtu zrabić rolik u kambinavanaj animacyjnaj technicy, jakaja spałučaje momanty pierakładki, malavanaj animacyi i piaskahrafii. Jaje tvorčy padychod da spravy ŭpadabaŭsia muzykam.
Videa, jakoje składajecca z sotniaŭ malunkaŭ, stvarałasia ciaham hoda.Nasta Šastak pracavała ŭ tvorčym tandemie z svaim mužam, animataram Daniłam Žuhždam.
«Achapić takuju kolkaść zadačaŭ, zamianiajučy saboju cełuju tvorčuju hrupu ludziej, było niaprosta, — dzielicca ŭražańniami ad pracy dyzajnierka. — Tym nie mienš, ja atrymała zadavalnieńnie ad kožnaha etapu stvareńnia
«Piaskahrafija tut nie danina modnaj technicy, a naležnaja forma dla ŭvasableńnia idei, — padtrymlivaje režysiora klipa vakalistka hurta Nasta Špakoŭskaja. —
BY YOU — heta apošniaja kałychanka, jakuju maci śpiavaje svajmu dziciaci. BY YOU — heta ŭsie maciarynskija pačućci ŭ adras rodnych — syna, brata, baćki, blizkich ludiej, jakija syšli ŭ niebyćcio.Heta sproba štości źmianić, jakaja, na žal, skončycca ničym. Heta nadzieja, što jak piasok uciakaje skroź palcy».
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary