Vadzim Zajcaŭ: KDB — heta brend

Siońniašni «Priessboł» drukuje na pieršaj staroncy vialikaje intervju sa staršyniom Fiederacyi bijatłona Biełarusi i šefam KDB pa sumiaščalnictvie, uniesienym u čorny śpis ES, Vadzimam Zajcavym. Spadar Zajcaŭ raspavioŭ pra budučuju pracu słavutaha Rafaela Puare na čale mužčynskaj zbornaj Biełarusi, a taksama raspavioŭ, kamu naležała inicyjatyva zaprašeńnia znakamitaha francuza ŭ Biełaruś.

- Kali Zibiert paśla Sočy sydzie z žanočaj kamandy, to płanujecca pastavić pracavać našych trenieraŭ. A što budzie paśla Puare? Jaho naparnik prosta nie paśpieje da Alimpijady dasiahnuć takoha ŭzroŭniu, kab my byli bolš-mienš spakojnyja za mužčynskuju zbornuju.

- Tak, składana raźličvać na rezki rost za paŭtara hoda ... Nie mahu adnaznačna kazać, bo mnie niezrazumiełyja da kanca namiery Puare. Čamu? Kantrakt tolki da Alimpijady.

- Čyja heta ŭmova?

- Nie-nie, heta prahučała nie žorstka i nie śćviardžalna, a prosta ŭ spakojnym tonie, razvažliva jon skazaŭ: «Davajcie da Alimpijady papracujem razam». Viadoma, jość razvahi i infarmacyja, što jaho meta - viarnucca ŭ vialiki jeŭrapiejski bijatłon praź niejkija značnyja vyniki na Alimpijskich hulniach. Moža być, heta pryčyna. Prynamsi, heta pierapynak u biznesie, jon chacieŭ by viarnucca nazad u bijatłon. I, naturalna, jamu było b bolš kamfortna treniravać nacyjanalnuju kamandu ŭ Francyi, u Narviehii, čym u Biełarusi.

- A inicyjatyva była čyja?

- Zaprašali my ... Nu, bačycie, mnohija zacikaŭlenyja siońnia pasprabavać siły ŭ Biełarusi, nie tolki ŭ śfiery sportu.

- Jak heta rastłumačyć?

- Precedent. Prykład - Zibiert. Potym znosiny. Potym ahulnaje niejkaje znajomstva, usprymańnie, staŭleńnie: «U hetuju krainu ja pajedu, a ŭ hetuju nie chaču i nikoli tam kamfortna nie budu siabie adčuvać.

Puare nie adzin pryjazdžaŭ. Jon uziaŭ z saboj dobraha asabistaha mieniedžara. I jakija ŭ haściej dadatkovyja intaresy - ja pakul taksama nie mahu vam skazać. Moža, u ich svajo bačańnie ŭdziełu ŭ inviestycyjnym klimacie Respubliki Biełaruś. Usio ž taki ŭ Puarie jość dola ŭ haściničnym biznesie. I jaho biznesam zajmajecca hety mieniedžer, jaki, ułasna, i staviŭ nam usio ŭmovy.

Jon kazaŭ: «Puare - heta imia, heta brend». Ja ŭ adkaz: «Dobra, u nas taksama KDB - heta brend» ... Voś bačycie, čałaviek pryjazdžaje z prafiesijnym upraŭlencam. I heta ŭžo zusim inšy padychod, -

• 0
• 0
• 0
• 0
• 0
• 0
• 0
• 0