Ułady nie navažylisia zatrymlivać pratestoŭcaŭ 19 sakavika.
Ułady nie navažylisia zatrymlivać pratestoŭcaŭ 19 sakavika.
21.01
Na skryžavańni vulic Paškievič i Bahdanoviča ŭsich raspuścili. Zdajecca, abyšłosia biez zatrymańniaŭ.
20.55
Častku demanstrantaŭ (čałaviek 20) na prypynku "Operny teatar" pasadzili ŭ tralejbus i adpuścili. Astatnich praciahvajuć vieści dalej.
20.53
Kalona, ačeplenaja specnazam, dajšła da vulicy Bahdanoviča, jaje paviarnuli na poŭnač. Vidavočna, viaduć na Banhałor.
20.46
Kalona z 50 čałaviek idzie dalej. Milicyja pa racyjach pieradaje "Nikoha nie adpuskać", "Banhałor, Banhałor".
20.40
Ludzi spynilisia na moście cieraź Śvisłač, kala pierakryžavańnia Kupały i Internacyjanalnaj. Na Internacyjanalnuju nie puskajuć. Čakajecca chapun.
20.35
Ludziej vycisnuli da cyrku, ale nie dali pierajści praspekt, a praciahvajuć vyciaśniać pa vulicy Kupały, u bok vulicy Kujbyšava. Častka amapaŭcaŭ źnikła, zatoje paboleła cicharoŭ
20.29
Na Płoščy nikoha nie zastałosia. Udzielnikaŭ akcyi vyciaśniać u bok cyrku. Nie dajuć zachodzić u metro.
20.25
Udzielnikaŭ akcyi, pryśviečanaj pieršaj hadavinie akcyj pratestu na vyniki vybaraŭ -- 2006, pačynajuć vyciaśniać z Płoščy u bok cyrku. Ludzi sami pačynajuć razychodzicca. Niezadoŭha da hetaha źjaviłasia mašyna z mehafonam i udzielnikaŭ akcyi čarhovy raz "paprasili" razyścisia.
20.18
Akcyja praciahvajecca. Ludziej paboleła, čałaviek kala 100. Praz mehafon udzielnikaŭ akcyi zaklikajuć razyścisia, pahražajučy administracyjnaj adkaznaściu.
Ludzi hukajuć "Zastajemsia". Značna paboleła ŭ natoŭpie "cicharoŭ". Maršrut №100 znoŭ nie spyniajecca na Płoščy. Usim kirujuć na Płoščy dziaŭčaty, chłopcy-zavadatary nie zadziejničanyja.
20.10
Udzielniki akcyi hukajuć "Žyvie Biełaruś", "Vierym, možam, pieramožam". Niekatoryja mašyny vitajuć syhnałami ŭdzielnikaŭ akcyi. Čałaviek z mehafonam zaklikaje razyścisia. Jamu padaryli kvietki. Pa čutkach, u dvarach znachodiacca jašče dva aŭtazaki.
20.05
Na Płoščy znachodzicca kala 50 čałaviek. Z palitykaŭ -- Siarhiej Kalakin, Anatol Labiedźka, Anatol Laŭkovič, Aleś Michalevič. Udzielniki rušyli da miesca, dzie znachodziłasia namiotavaje miastečka, čatyry dziaŭčyny razharnuli vialiki bieł-čyrvona-bieły ściah.
?
Da pačatku akcyi na Płoščy dziažuryli specnazaŭcy i ludzi ŭ cyvilnym, jakija nastojliva "raili" syści ź Placu. Na samym bačnym miescy staić aŭtazak, kala Pałacu prafsajuzaŭ, i niekalki milicejskich mašyn.
Kamientary