Bolšaść žycharoŭ Biełarusi hatovy da libieralnych reform, bo stracili davier da ŭład, ale jany nie hatovy mabilizavacca. Takaja vysnova sacyjałahičnaha daśledavańnia składu biełaruskaha hramadstva, vyniki jakoha publikuje hienieralny dyrektarat Jeŭraparłamienta pa źniešniaj palitycy.
«Hruntujučysia na asnovie vynikaŭ niezaležnych sacyjałahičnych daśledavańniaŭ, hetaje daśledavańnie sprabuje acanić śvietapohlad, sacyjalnyja patreby i raździalalnyja linii ŭ biełaruskim hramadstvie napiaredadni parłamienckich vybaraŭ 2012 hoda», — adznačaje sajt Jeŭraparłamienta.
Što da ŭnutranaj palityčnaj apazicyi, to jana «niepryvabnaja dla šyrokaj hramadskaści», bo «raz`iadnanaja i nie maje jasnaj prahramy», śćviardžaje Maryn.
Daśledavańnie daje šerah rekamiendacyj dla Jeŭrasajuza. Adna ź ich — «pravodzić paśladoŭnuju palityku i ihnaravać Alaksandra Łukašenku».
Pry hetym aŭtar daśledavańnia ličyć nierealistyčnymi takija patrabavańni ES da aficyjnaha Minska, jak poŭnaja jurydyčnaja reabilitacyja palitźniavolenych, «jakich Łukašenka ličyć asabistymi vorahami», ci praviadzieńnie svabodnych i spraviadlivych vybaraŭ.
Pavodle mierkavańnia finskaha ekśpierta, «ES nie pavinien źviartać uvahu na budučy elektaralny fars», a značyć — nie pavinien adpraŭlać u Biełaruś naziralnikaŭ na vieraśniovyja parłamienckija vybary. Zamiest hetaha ES pavinien «zaklikać Biełaruś da praviadzieńnia kruhłych stałoŭ z udziełam pradstaŭnikoŭ dziaržaŭnaha siektara i hramadzianskaj supolnaści», rekamienduje aŭtar daśledavańnia.
Jana taksama ličyć, što Jeŭrasajuzu varta prapanavać Biełarusi jak krainie «prahmatyčnaje i pryncypovaje» partniorstva.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary