Vjetnam vystupaje za stvareńnie zony svabodnaha handlu z Mytnym sajuzam Biełarusi, Kazachstana i Rasii, zajaviŭ kiraŭnik vjetnamskaha MZS Fam Biń Miń 3 lipienia ŭ Maskvie na sumiesnajpres-kanfierencyi z rasijskim kaleham Siarhiejem Łaŭrovym.
«My abmierkavali nieabchodnaść najchutčejšaha pačatku pieramoŭ ab zaklučeńni pahadnieńnia pra stvareńnie zony svabodnaha handlu pamiž Vjetnamam i Mytnym sajuzam, u jaki ŭvachodziać Rasija, Kazachstan i Biełaruś, i tym samym nadać impuls dalejšaha raźvićcia supracoŭnictvu pamiž našymi krainami ŭ śfiery handlu i inviestycyj na najbližejšyja hady», — cytuje RIA Novosti vjetnamskaha ministra.
Łaŭroŭ u adkaz vykazaŭ mierkavańnie, što stvareńnie zony svabodnaha handlu z Mytnym sajuzam budzie paśpiachovym prajektam. «My raźličvajem, što heta budzie paśpiachovy prajekt. Stvorana i aktyŭna pracuje sumiesnaja daśledčaja hrupa pamiž členami Mytnaha sajuza i Vjetnama. Jany pavinny padać dakład ab mahčymaści stvareńnia zony svabodnaha handlu ŭ hetym hodzie. Spadziajusia, što nie vielmi praciahły heta zojmie čas», — skazaŭ kiraŭnik MZS Rasii.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary