Da kanca hoda taryfy na pasłuhi ŽKH buduć jašče pavyšacca, paviedamiŭ na pres-kanfierencyi 10 lipienia ŭ Minsku namieśnik ministra žyllova-kamunalnaj haspadarki Biełarusi Anatol Šahun.
Pry hetym nazvać kankretnyja terminy jon nie zmoh, "tamu što rašeńnie nakont niejkaha miesiaca ci daty pakul nie pryniata".
Pavodle słoŭ čynoŭnika, uradam na hety hod vyznačana taryfnaja palityka, zhodna ź jakoj pavyšeńnie taryfaŭ na pasłuhi ŽKH u raźliku na standartnuju dvuchpakajovuju kvateru z tryma žylcami pavinna skłaści nie bolš jak 5 dołaraŭ. "Tyja pavyšeńni, jakija adbylisia ŭ krasaviku i červieni, dali pakul rost prykładna na 2,5 dołara, ź jakich 1,3 dołara — pa sistemie ŽKH (vada, kanalizacyja) i 1,2 dołara — pa sistemie Ministerstva enierhietyki (ciepłazabieśpiačeńnie). U tym ža dyjapazonie treba čakać pavyšeńnia i da kanca hetaha hoda", — adznačyŭ namieśnik ministra.
Pavodle jaho słoŭ, z ulikam pavyšeńnia taryfaŭ z 1 červienia pracent pakryćcia raschodaŭ na pasłuhi ŽKH składaje 14,7% biez uliku raschodaŭ na elektraenierhiju i haz.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary