Čakajecca, što heta adbudziecca jašče ŭ žniŭni.
Jak paviedamili ŭ Žłobinskim rajonnym sudzie, da ich materyjały pakul nie pastupali.
Mahčyma, sprava budzie razhladacca Homielskim abłasnym sudom, ale ŭ lubym vypadku z vyjezdam u Žłobin.
Nahadajem, u kancy červienia staršynia KDB Vadzim Zajcaŭ zajaviŭ, što ciaham dziesiaci dzion sprava z zamacham na ździajśnieńnie terakta ŭ Žłobinie budzie nakiravana ŭ sud. Paśla hetaha ciaham miesiaca sudździa pavinien pryniać rašeńnie ab pačatku razhladu.
24 maja ŭ Žłobinie kala budynka milicyi byŭ zatrymany 21-hadovy małady čałaviek. Pa infarmacyi KDB, na tvary ŭ jaho była maska z nadpisam na arabskaj movie, a pry sabie — jomistaści z zapalnaj sumieśsiu i samarobnaj vybuchovaj pryładaj mahutnaściu kala piaci kiłahramaŭ u traciłavym ekvivalencie.
Jon
«sprabavaŭ ździejśnić terarystyčnyja dziejańni ŭ dačynieńni da supracoŭnikaŭ padraździaleńnia MUS pa miescy ich dysłakacyi».
Maładomu čałavieku pradjaŭlena abvinavačańnie va ŭčynieńni złačynstva, jakoje kvalifikujecca pavodle č. 1 art. 14 i č. 1 art. 289 KK (zamach na ŭčynieńnie aktu teraryzmu). Pakarańnie praduhładžana ad 8 da 15 hadoŭ pazbaŭleńnia svabody.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Kamientary