Jak paviedamili va ŭpraŭleńni DAI MUS Biełarusi, 4 žniŭnia ŭ 23.15 32-hadovy miascovy žychar, kirujučy aŭtamašynaj "Folksvahien-Pasat", najechaŭ na 14-hadovuju dziaŭčynku, jakaja pierachodziła prajeznuju častku pa nierehulavanym piešachodnym pierachodzie.Dziaŭčynka ad atrymanych traŭm pamierła na miescy zdareńnia. Kiroŭca ź miesca zdareńnia ŭciok, ale ŭžo praź niekalki chvilin byŭ zatrymany.
Pavodle źviestak MUS, 5 žniŭnia ŭ vioscy Rykuny Miorskaha rajona Viciebskaj vobłaści ŭ 17.00 žychar vioski Dryhučy 1975 hoda naradžeńnia, kirujučy traktaram, najechaŭ na chłopčyka 2003 hoda naradžeńnia, miascovaha žychara, jaki zahinuŭ.
Pablizu vioski Zachody Škłoŭskaha rajona 4 žniŭnia ŭ 06.55 niepracujučy žychar Bychava 1970 hoda naradžeńnia, kirujučy "Aŭdzi", sutyknuŭsia z aŭtamašynaj "Žyhuli", jakaja ruchałasia ŭ spadarožnym napramku i jakoj kiravaŭ žychar Horak 1952 hoda naradžeńnia. Mašyna "Žyhuli" źjechała ŭ kiuviet i pierakuliłasia, u vyniku čaho vadziciel zahinuŭ, a jaho ŭnuk 2007 hoda naradžeńnia, žychar Horak, źmieščany ŭ balnicu.
Pavodle infarmacyi UDAI MUS, za minułuju piatnicu i vychadnyja dni na darohach krainy zarehistravana 771 DTZ z materyjalnym uronam. Učyniena 58 DTZ, u jakich 10 čałaviek zahinuli, 61 atrymaŭ ranieńni. Siarod tych, chto atrymaŭ u DTZ śmiarotnyja traŭmy, — šeść piešachodaŭ, adzin viełasipiedyst, dva kiroŭcy i pasažyr.
Za kiravańnie transpartnymi srodkami ŭ stanie apjanieńnia zatrymany 542 kiroŭcy. Za pieravyšeńnie chutkasnych režymaŭ ruchu aštrafavana 5.608 vadzicielaŭ. 1.546 piešachodaŭ pryciahnuta da adkaznaści za parušeńnie pravił darožnaha ruchu, ź ich 345 za adsutnaść śviatłoadbiŭnych elemientaŭ u ciomny čas sutak. Praihnaravali abaviazkovaje vykarystańnie ramianioŭ biaśpieki 1.503 vadzicieli i pasažyry.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary