Strachoŭščyca aŭtamabilaŭ prysabiečvała 40 jeŭra z 50
Upraŭleńniem Śledčaha kamiteta pa Hrodzienskaj vobłaści raspačataja kryminalnaja sprava pa častcy 1 artykuła 210 KK (kradziež šlacham złoŭžyvańnia słužbovymi paŭnamoctvami) u dačynieńni da śpiecyjalista adnoj sa strachavych kampanij Hrodna.
Jak paviedamiŭ aficyjny pradstaŭnik USK pa Hrodzienskaj vobłaści, pry afarmleńni strachavych polisaŭ dla vyjezdu transpartnych srodkaŭ u krainy Jeŭrasajuza strachoŭščyk brała z klijentaŭ pa 50 jeŭra, ale ŭ spravazdačnych dakumientach paznačała inšuju krainu vyjezdu — Ukrainu, vyjazny strachavy ŭznos u jakuju składaje 10 jeŭra, a roźnicu prysvojvała. Tolki za niekalki apošnich miesiacaŭ dachod ad cieniavoj dziejnaści padazronaj pieravysiŭ 7 miljonaŭ rubloŭ.
Dla daśledavańnia akaličnaściaŭ kryminalnaj spravy śledstva sumiesna z orhanami ŭnutranych spraŭ praviaraje finansavyja dakumienty, aformlenyja padazronaj, dla vyznačeńnia abjomu naniesienaha joju ŭronu z metaj jaho nastupnaha pakryćcia i davańnia kančatkovaj pravavoj acenki dziejańniam strachoŭščyka.
Kryminalnaja sprava raspačata na padstavie materyjałaŭ pravierki ŭpraŭleńnia pa raskryćci ciažkich ekanamičnych złačynstvaŭ UUS Hrodzienskaha abłvykankama.
Kamientary