Telekanał «Biełaruś 2» admianiŭ zapis debataŭ kandydataŭ u deputaty «
Pra heta paviedamiŭ lidar Abjadnanaj hramadzianskaj partyi Anatol Labiedźka. Pavodle jaho słoŭ, ranicaj 3 vieraśnia mieŭsia adbycca zapis jaho debataŭ z kandydatam u deputaty i dziejnym deputatam Mikałajem Samasiejkam.
«Adnak mnie pazvanili i paviedamili, što pa techničnych pryčynach —z-za pałomki abstalavańnia — zapis admianiajecca», — skazaŭ Labiedźka.
Sam Labiedźka ŭ takuju viersiju nie vieryć. «Na minułym tydni ja zapisvaŭ debaty taksama ź dziejnym deputatam Śviatłanaj Šyłavaj. U maim vystupleńni nie było zaklikaŭ da bajkotu, ale toje, što ŭ nas niama vybaraŭ, niama parłamienta — heta ja ahučyŭ, i naša žorstkaja pazicyja była vykładziena. Šyłava, ja miarkuju, u debatach vyhladała blednavata. Tamu abo zaraz telekanał terminova arhanizuje kursy pa vučobie praŭładnych kandydataŭ pa vystupleńni pierad kamieraj, abo dumaje, što naohuł rabić z debatami i jak pazbavicca ad takoj niepryjemnaści», — skazaŭ Labiedźka.
Choć, na jaho dumku «piacichvilinnyja debaty ŭ zapisie — heta i tak hańba dla našych vybaraŭ».
Pa anałahičnaj pryčynie byŭ admienieny zapis debataŭ kandydata ŭ deputaty, padtrymanaha kampanijaj «Havary praŭdu!», Taćciany Karatkievič.Jana pavinna była dyskutavać z kiraŭnikom Minskaha haradskoha savieta deputataŭ Michaiłam Savanovičam i byłym staršynioj Nacbanka Biełarusi Stanisłavam Bahdankievičam.
Jak paviedamiŭ kiraŭnik vybarčaha štaba kampanii «Havary praŭdu!» i davieranaja asoba Karatkievič Andrejej Dźmitryjeŭ, jon taksama mieŭ namier uziać udzieł u debatach. «Apošnim časam pa telekanale „Biełaruś 2“ možna było hladzieć tolki futboł. Vidać, alternatyŭnych mierkavańniaŭ i niepryjemnych pytańniaŭ aparatura nie vytrymała», — skazaŭ jon.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1
Kamientary