Тэлеканал «Беларусь 2» адмяніў запіс дэбатаў кандыдатаў у дэпутаты «
Пра гэта паведаміў лідар Аб’яднанай грамадзянскай партыі Анатоль Лябедзька. Паводле яго слоў, раніцай 3 верасня меўся адбыцца запіс яго дэбатаў з кандыдатам у дэпутаты і дзейным дэпутатам Мікалаем Самасейкам.
«Аднак мне пазванілі і паведамілі, што па тэхнічных прычынах —з-за паломкі абсталявання — запіс адмяняецца», — сказаў Лябедзька.
Сам Лябедзька ў такую версію не верыць. «На мінулым тыдні я запісваў дэбаты таксама з дзейным дэпутатам Святланай Шылавай. У маім выступленні не было заклікаў да байкоту, але тое, што ў нас няма выбараў, няма парламента — гэта я агучыў, і наша жорсткая пазіцыя была выкладзена. Шылава, я мяркую, у дэбатах выглядала бледнавата. Таму або зараз тэлеканал тэрмінова арганізуе курсы па вучобе праўладных кандыдатаў па выступленні перад камерай, або думае, што наогул рабіць з дэбатамі і як пазбавіцца ад такой непрыемнасці», — сказаў Лябедзька.
Хоць, на яго думку «пяціхвілінныя дэбаты ў запісе — гэта і так ганьба для нашых выбараў».
Па аналагічнай прычыне быў адменены запіс дэбатаў кандыдата ў дэпутаты, падтрыманага кампаніяй «Гавары праўду!», Таццяны Караткевіч.Яна павінна была дыскутаваць з кіраўніком Мінскага гарадскога савета дэпутатаў Міхаілам Савановічам і былым старшынёй Нацбанка Беларусі Станіславам Багданкевічам.
Як паведаміў кіраўнік выбарчага штаба кампаніі «Гавары праўду!» і давераная асоба Караткевіч Андрэей Дзмітрыеў, ён таксама меў намер узяць удзел у дэбатах. «Апошнім часам па тэлеканале „Беларусь 2“ можна было глядзець толькі футбол. Відаць, альтэрнатыўных меркаванняў і непрыемных пытанняў апаратура не вытрымала», — сказаў ён.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?2
Каментары