Try čałavieki — supracoŭniki vydaviectva Zirve, jakoje publikuje Bibliju — byli žorstka zabityja ŭ Turcyi. Dva inšyja supracoŭniki drukarni znachodziacca ŭ špitali ŭ ciažkim stanie.
Radyjo Vatykana pryśviačaje adzin sa svaich materyjałaŭ zabojstvu troch chryścijanaŭ, jakoje adbyłosia 18 krasavika 2007 h. u horadzie Małacija ŭ paŭdniova‑ŭschodniaj Turcyi.
Try čałavieki — supracoŭniki vydaviectva Zirve, jakoje publikuje Bibliju — byli žorstka zabityja ŭ Turcyi. Trahičnaje zdareńnie adbyłosia ŭ horadzie Małacija viečaram 18 krasavika. Palicyja paviedamiła, što achviaram pierarezali horła. Dva inšyja supracoŭniki drukarni znachodziacca ŭ špitali ŭ ciažkim stanie. Pradstaŭnik vydaviectva skazaŭ u svaim intervju miascovamu telebačańniu, što achviaram zabojstva pahražali ŭ suviazi z publikacyjaj chryścijanskaj litaratury. Hetaje vydaviectva naležyć preśviteryjanskaj Carkvie. Apostalski vikaryj Anatolii biskup Łuidžy Padavieze padkreślivaje, što chryścijanie ŭ Turcyi ŭvieś čas žyvuć u niebiaśpiecy.
Palicyja aryštavała kala dziesiaci patencyjalnych vinoŭnikaŭ zabojstva, jakoje adbyłosia ŭ tureckim vydaviectvie. Usio paćviardžaje dumku ab tym, što złačynstva było matyvavana relihijnym fundamientalizmam. Niekatoryja z zatrymanych pryznalisia, što dziejničali z metaj abarony sapraŭdnaj relihii i chacieli pravučyć niekatorych niepriacielaŭ isłamu. Naziralniki padkreślivajuć, što Małacija, vialiki sučasny horad, u jakim adbyłasia trahiedyja, ličycca kałyskaju jak isłamskich nacyjanalistaŭ, tak i fundamientalistaŭ. U jaho pryharadzie naradziŭsia Ali Ahdža, jaki sprabavaŭ zabić Jana Paŭła II.
Kamientary