Alaksandr Łukašenka 13 listapada pryniaŭ z dakładam ministra abarony Juryja Žadobina.
«My damovilisia ab tym, što nam treba jašče raz pahladzieć na našu armiju i pryniać rašeńnie ŭ napramku jaje, moža, nie madernizacyi, a ŭdaskanaleńnia, kab my nie pajšli nie tym šlacham (tamu što heta vialikija zatraty), a stvarali armiju adpaviedna tym vyklikam, jakija siońnia isnujuć, — skazaŭ kiraŭnik dziaržavy. — Naprykład, navošta nam utrymlivać abo zakuplać staryja ŭzbrajeńni, kali ŭ sučasnaj vajnie jany nie mohuć być vykarystany. Toje ž samaje mahu skazać i pa kolkaści, i pa piersanalijach, i pa struktury Uzbrojenych Sił».
«Tamu my pryniali rašeńnie, što źbiarucca razumnyja ludzi, u nas ich dastatkova ŭ armii, i z ulikam apošnich padziej u roznych rehijonach śvietu my jašče raz pahladzim na našy Uzbrojenyja Siły. Heta — hałoŭnaje pytańnie», — dadaŭ Alaksandr Łukašenka.
Jon taksama zapatrabavaŭ dałažyć ab vynikach raboty pa naviadzieńniu paradku ŭ harnizonach i čaściach:
«My viedajem, jakija harnizony i čaści nam buduć patrebny, i my tam pavinny navieści dobry paradak pa zachoŭvańni techniki, pa raskvataravańni asabovaha składu i hetak dalej.Heta taksama vielmi važnaje pytańnie. Viedaju, što vy nad im pracavali. Jak iduć ciapier spravy, i jakija raboty jašče zastalisia?»
Juryj Žadobin paviedamiŭ ab vynikach čarhovaha 2011/2012 navučalnaha hoda, što zaviaršyŭsia va Uzbrojenych Siłach, asnoŭnych mierapryjemstvach apieratyŭnaj i bajavoj padrychtoŭki. Na praciahu hoda było praviedziena bolš za 350 takich mierapryjemstvaŭ roznaha maštabu.
«My ŭpieršyniu ŭ padrychtoŭcy lotčykaŭ dasiahnuli siaredniaha ŭzroŭniu nalotu 77 hadzin. U minułym hodzie było 66 hadzin, a papiarednija hady kala 30 hadzin. Liču, što heta davoli vysoki ŭzrovień padrychtoŭki našych piłotaŭ», — adznačyŭ ministr.Łukašenku taksama było paviedamlena ab padrychtoŭcy avijacyi.
Akramia taho, Juryj Žadobin dałažyŭ ab stanie techniki i ŭzbrajeńnia, prymajemych mierach pa padtrymańniu ŭsich uzoraŭ techniki ŭ stanie bojehatoŭnaści, mierapryjemstvach pa aptymizacyi Uzbrojenych Sił, ab vykanańni daručeńniaŭ prezidenta pa pavyšeńni hrašovaha zabieśpiačeńnia asabovaha składu, vyrašeńni žyllovych pytańniaŭ.
«My ŭ hetym hodzie ŭžo zdali čatyry damy, i ŭ vysokaj stupieni hatoŭnaści znachodziacca jašče piać damoŭ, dva ź jakich buduć zdadzieny ŭ hetym hodzie. Astatnija — u pieršym paŭhodździ nastupnaha hoda. Majecca na ŭvazie budaŭnictva słužbovaha žylla, — raskazaŭ ministr. — Akramia taho, było pabudavana i ŭviedziena ŭ stroj vosiem kaapieratyvaŭ. I da kanca hoda čakajecca ŭviadzieńnie jašče adzinaccaci».
U cełym Alaksandr Łukašenka stanoŭča acaniŭ dziejnaść Ministerstva abarony ŭ minułym navučalnym hodzie i pastaviŭ šerah zadač pa ŭdaskanaleńniu dziejnaści vajennaj arhanizacyi dziaržavy.
Ciapier čytajuć
Dziela finału čempijanatu śvietu minskaje mietro pracavała da 1:00. A matč skončyŭsia paźniej3
Dziela finału čempijanatu śvietu minskaje mietro pracavała da 1:00. A matč skončyŭsia paźniej
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1818
Kamientary