Zakon «Ab ahulnaj siaredniaj adukacyi» ŭźniaŭ pytańnie pra nabor dziaciej u pieršyja klasy himnazijaŭ
Zakon «Ab ahulnaj siaredniaj adukacyi» ŭźniaŭ pytańnie pra nabor dziaciej u pieršyja klasy himnazijaŭ.
Zhodna z hetym dakumentam, usie pačatkovyja klasy pavinny pieravieścisia z himnazijaŭ i siarednija ahulnaadukacyjnyja škoły, bo navučańnie pavodle himnazičnym prahramaŭ pačynajecca ź piataj klasy.
U vypadku, kali da bližejšaj škoły treba dabiracca hramadzkim transpartam, abo ŭ joj praź pierahružanaść naśpiavaje patreba ŭviadzieńnia druhoj źmieny, nabor u pačatkovyja klasy himnazii budzie dazvoleny. U pieršuju čarhu heta datyčyć mienskich i abłasnych himnazijaŭ.
Pytańnie z naboram pieršaklaśnikaŭ u biełaruskamoŭnyja himnazii, muzyčna‑pedahahičnyja i himnazii mastacka‑estetyčnaj skiravanaści budzie vyrašacca ŭ najbližejšy čas čas pradstaŭnikami Kamitetu pa adukacyi Mienharvykankamu, paviedamlaje BIEŁTA. Tym časam nabor u pieršyja klasy musić raspačacca 15 traŭnia.
Dyrektarka mienskaj biełaruskamoŭnaj himnazii №23 Nina Nikicina patłumačyła, što takoj prablemy ŭ jaje navučalnaj ustanovie nia budzie. Pa jaje słovach, adbyŭsia kruhły stoł z udziełam namieśnika ministra adukacyi Kazimiera Faryno i deputataŭ parlamentu, na jakim było pastaŭlena pytańnie pra nieabchodnaść naboru dzietak u pieršyja klasy ŭ himnazii №23. U vyniku było pryniataje rašeńnie pra pačatak naboru ŭ 1 i 2 klasy ad 15 traŭnia. «Heta naturalna, bo potym, u 5‑j klasie, budzie pozna vučyć dziaciej movie» — adznačyła spn. Nikicina i zaprasiła ŭsich žadajučych pryvodzić svaich dzietak u svaju himnaziju.
Pakul niajasnaja sytuacyja ź inšymi mienskimi biełaruskamoŭnymi himnazijami. «NN» budzie adsočvać raźvićcio padziejaŭ.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary