Heta zdaryłasia viečaram 5 traŭnia ŭ nihieryjskim porcie Port‑Charkort. Viadoma, što 47‑hadovuju biełarusku zavuć Iryna, jana maci čatyroch dziaciej. Jaje muž — nihieryjec, maje proźvišča Ekpa‑Uma. 6 traŭnia fakt znachodžańnia hramadzianki Biełarusi ŭ zakładnikach aficyjna paćvierdziła Ministerstva zamiežnych spravaŭ našaj krainy.
U Nihieryi bajeviki skrali 47‑hadovuju hramadzianku Biełarusi. Zdareńnie adbyłosia viečaram 5 traŭnia ŭ nihieryjskim porcie Port‑Charkort. Viadoma, što biełarusku zavuć Iryna, jana maci čatyroch dziaciej. Jaje muž — nihieryjec, maje proźvišča Ekpa‑Uma. 6 traŭnia fakt znachodžańnia hramadzianki Biełarusi ŭ zakładnikach aficyjna paćvierdziła Ministerstva zamiežnych spravaŭ našaj krainy.
Pavodle źviestak nihieryjskich pravaachoŭnych orhanaŭ, bajeviki zachapili žančynu kala jaje doma, jaki mieścicca pobač z Presidential Hotel. RIA «Novosti» paviedamlaje, što nieviadomyja schapili žančynu na naftavym promyśle.
Biełaruska pracavała ŭ brytanskaj siervisnaj kampanii Compass Group, jakaja zajmajecca pastaŭkami praduktaŭ u škoły, balnicy, ustanovy dy maje svaje pradstaŭnictvy ŭ šmatlikich krainach śvietu. Pra heta infarmuje RIA «Novosti».
Adnak «Interfaks» nazyvaje Irynu Ekpa‑Uma supracoŭnicaj «adnoj ź miascovych kampanij, jakaja zajmajecca naftavym biźniesam». A Hazieta.Ru dadaje, što jana zajmaje tam upłyvovuju pasadu.
Spačatku paviedamlałasia, što žančyna źjaŭlajecca hramadziankaj Rasii, adnak hetaja infarmacyja nie paćvierdziłasia. Daradčyk ambasady Rasii ŭ Nihieryi Viktar Hančaroŭ paviedamiŭ, što skradzienaja źjaŭlajecca hramadziankaj Biełarusi.
Pavodle jaho słovaŭ, Iryna Ekpa‑Uma pryjechała ŭ Nihieryju ź Vialikabrytanii, tamu znachodziłasia na konsulskim uliku hetaj krainy. Darečy, mienavita anhielskaja ambasada ŭ Łahasie pieršaj daviedałasia pra vykradańnie biełaruski. Nieviadomy śviedka zdareńnia paviedamiŭ pra heta pa telefonie.
Biełaruś nie maje svajho dypłamatyčnaha pradstaŭnictva ŭ Nihieryi. Tamu biełaruskaje MZS kantaktuje ŭ spravie vyzvaleńnia biełaruski z rasijskaj ambasadaj u Łahasie. Palicyja Nihieryi zaraz sprabuje vyśvietlić patrabavańni vykradalnikaŭ biełaruskaj hramadzianki, paviedamlaje BIEŁTA.
Adznačym, što bajeviki viaduć uzbrojenuju baraćbu suprać uradu Nihieryi za bolšuju aŭtanomiju dla bahataha rehijona delty raki Nihier i za padzieł prybytkaŭ ad naftazdabyčy. Apošnim časam jany aktyvizavali napady na abjekty naftavaj pramysłovaści, dzie haspadarać pieravažna zachodnija kampanii.
Ahulnaja kolkaść skradzienych u Nihieryi zamiežnikaŭ na praciahu piaci dzion dasiahnuła 28 čałaviek. Vosiem ź ich byli adpuščanyja. Amal zaŭsiody praź niekatory čas zakładniki vychodziać na volu žyvymi i zdarovymi. Adnak byli i vypadki, kali jany hinuli padčas praviadzieńnia nihieryjskimi vajskoŭcami apieracyj pa ich vyzvaleńniu.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała19
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary