U krasaviku ŭ Bruseli adbyłasia sustreča eŭrapiejskaj ekspertnaj hruppy vysokaha ŭzroŭniu pa pytańniach raźvićcia elektronnych biblijatekaŭ, padčas jakoj byli abmierkavanyja perspektyvy sfery.
U pasiedžańni hrupy pryniali ŭdzieł pradstaŭniki British Library, Deutsche Nationalbibliothek, Federation of European Publishers i Google.
Na pohlad ekspertaŭ, raźvićcio hetaha nakirunku infarmacyjnych technalohijaŭ patrabuje zaklučeńnia maštabnych pahadnieńniaŭ pamiž biblijatekami i ŭłaśnikami intelektualnych pravoŭ. Padobnyja pahadnieńni značna ablehčać praces pieravodu ŭ ličbavy farmat dakumentaŭ, ličać pradstaŭniki ekspertnaj hrupy.
Na siońniašni dzień biblijateki traciać šmat času na atrymańnie dazvołaŭ na publikacyju elektronnych versijaŭ tych ci inšych knihaŭ. Časta jany navat i nie pačynajuć hety praces z‑za składanaści vyznačeńnia ŭłaśnika pravoŭ albo z‑za ich vialikaj kolkaści.
U 2005 hodzie Eŭrapiejskaja Kamisija pryniała inicyjatyvu «i2010», nakiravanuju na raźvivćcio infarmacyjnych technalohijaŭ u EZ. Adnym z elementaŭ stratehii było stymulavańnie raźvićcia elektronnych biblijatekaŭ, pieravod u ličbavy farmat klasyčnych tvoraŭ eŭrapiejskaj kultury i elektronnaha zachoŭvańnia starych i redkich dakumentaŭ. U 2006 hodzie Kamisija apublikavała Rekamendacyju pa pytańniach aličboŭvańnia i elektronnaha zachoŭvańnia, jakaja zaklikała dziaržavy‑členy EZ da bolš aktyŭnaj dziejnaści ŭ hetym nakirunku.
Adnoj ź inicyjatyvaŭ u hetaj sfery stała elektronnaja biblijateka Europeana, stvoranaja pry niepasrednym udziele Francuzskaj nacyjanalnaj biblijateki.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB10
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary