Bieł-čyrvona-bieły ściah ściah i «Pahonia» — antyhistaryčnyja
Zatoje kolery i kampazycyja dziaržaŭnaha hierbu Biełarusi adlustroŭvajuć sacyjalny sens dziaržavy, zasnavanaj na viery ŭ dabro i spraviadlivaść.
Dziaržaŭnyja simvały Respubliki Biełaruś pryznanyja, prajšli aprabacyju i ŭvajšli ŭ śviadomaść hramadstva, ličyć doktar histaryčnych navuk, člen Hieraldyčnaha savieta pry prezidecie Siarhiej Rassadzin. Pra heta jon zajaviŭ 10 maja ŭ Minsku na pres-kanfierencyi, pryśviečanaj Dniu dziaržaŭnaha hierba i ściaha Biełarusi, jaki adznačajecca 13 maja.
Pavodle jaho słoŭ, ideahrama, jakaja źjaŭlajecca častkaj biełaruskaha nacyjanalnaha arnamientu čyrvonaha koleru na biełym poli i adlustravana na dziaržaŭnym ściahu krainy, viadomaja z hłybokaj daŭniny. «Jana simvalizuje sonca nad uzaranym mirnym polem», — skazaŭ vučony. Pavodle jaho słoŭ, kolery i kampazicyja dziaržaŭnaha hierba Biełarusi adlustroŭvajuć sacyjalny sens dziaržavy, zasnavanaj na viery ŭ dabro i spraviadlivaść. «Tamu i dziaržava biełaruskaja adbyłasia», — padkreśliŭ S.Rassadzin.
Namieśnik dyrektara NDI teoryi i praktyki dziaržaŭnaha kiravańnia Akademii kiravańnia pry prezidencie doktar fiłasofskich navuk Leŭ Kryštapovič nazvaŭ «pavarotnym u historyi» pieršy respublikanski refierendum, što adbyŭsia 14 maja 1995 hoda pa inicyjatyvie Alaksandra Łukašenki. Adnym z pytańniaŭ, vyniesienych na hety refierendum, źjaŭlałasia ŭstalavańnie novaj dziaržaŭnaj simvoliki Biełarusi. Vučony nazvaŭ «antyhistaryčnaj» raniejšuju dziaržaŭnuju simvoliku krainy (hierb «Pahonia» i bieł-čyrvona-bieły ściah. — BiełaPAN.), a ciapierašniuju — «histaryčnaj i nacyjanalnaj». Pavodle jaho słoŭ, dziaržaŭnyja simvały krainy źjaŭlajucca nośbitami «nie ahresiŭnaha, a humanistyčnaha i miralubnaha źmiestu» i adlustrooŭvajuć prahresiŭnyja idei sučasnaj suśvietnaj cyvilizacyi.
Namieśnik načalnika fakulteta Hienieralnaha štaba Vajennaj akademii Biełarusi kandydat histaryčnych navuk Alaksandr Samovič zaklikaŭ žurnalistaŭ bolš šyroka aśviatlać prablemu niezakonnaha handlu histaryčnymi dziaržaŭnymi ŭznaharodami, jakija źjaŭlajucca simvałami dobleści i kaštoŭnymi tvorami mastactva.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy14
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec66
Kamientary