Nafta vaša, krekinh naš
Łukašenka asabista pravioŭ naradu pa prablemach naftavaj haliny. Pryčyna jaje — brak hrošaj na rekanstrukcyju naftapierapracoŭčych zavodaŭ u Mazyry i Navapołacku. Na naradzie kazali, što madernizacyju naŭrad ci skončać da 2003 hodu. Tamu Łukašenka choča pryciahčy dla rekanstrukcyi finansy bankaŭ, kancernu «Biełnafta-chim», inšych pradpryjemstvaŭ, navat nie źviazanych naŭprost z naftaj. Što da zamiežnaha kapitału, dyk jaho možna zavabić, tolki kali pradać častku naftavaj haliny. «My nia suprać padzia-licca niejkaj častkaj ułasnasci, ale rabić heta budziem vyklučna ŭ skrajnim vypadku i vielmi aściarožna, — zajaviŭ Łukašenka. — Treba mieć na ŭvazie, što ŭłasnaść kaštuje hrošaj, i hetyja hrošy pavinny našaj dziaržavie pastupić». Pry hetym jon jašče raz padkreśliŭ, što kantrolny pakiet akcyjaŭ bieła-ruskich NPZ «zaŭsiody zastaniecca za dziaržavaj» i hetyja pradpryjemstvy zastanucca pad poŭnym kantrolem dziaržavy. Adnačasova, sa słovaŭ A.Łukašen-ki, tyja, chto choča investavać svoj kapi-tał, pavinny stabilna pastaŭlać syra-vinu i trymacca biełaruskich zakonaŭ.
Łukašenka taksama patrabavaŭ ad uradu i biełaruskich firmaŭ, kab jany aktyŭniej brali ŭdzieł u zdabyčy nafty ŭ Rasiei, kab Biełaruś stvaryła dla hetych metaŭ admysłovuju naftavuju kampaniju. «My abaviazkova pavinny atrymać prava zdabyčy nafty ŭ Rasiei. Takaja mahčymaść siońnia jość».
Łukašenka vidavočna adstojvaje ŭ naftapierapracoŭčaj sfery intaresy svajho klanu — jon imkniecca maksymalna zatarmozić praniknieńnie ŭ hetuju sferu ahresiŭnaha rasiejskaha kapitału. Kab ža rasiejcy jaho za heta nie zabili.
B.T.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary