"Biełaja Ruś" na čorny dzień

Vožyku zrazumieła, nakolki niazmušanaj jość inicyjatyva paŭsiudnaha stvareńnia supołak "Biełaj Rusi". Sprava idzie da nadańnia struktury nacyjanalnaha ("respublikanskaha", pavodle saŭkovaj jurydyčnaje movy) statusu. Čamuści zdajecca, što prablemaŭ z rehistracyjaj budzie mieniej, čym jak u "MF" :-)

Pavialičyć

Inšaje pytańnie: navošta?

Analityki ŭ adzin hołas ćvierdziać pra "partyju ŭłady". Ale ž dasiul Łukašenka reahavaŭ na ideju biez anijakaha entuzijazmu. Maŭlaŭ, nabiažyć prystasavancaŭ...

Potym, lubaja partyja maje sens jak instrument na vybarach. Prosta pieć aliłuju i tak staje achvotnikaŭ. Ale nia dalej jak u sakaviku Lidzija Jarmošyna davodziła, što "pytańnie ab źmianieńni systemy vybaraŭ u nas nie staić". I matyvavała tym, što deputata, abranaha pavodle partyjnaha śpisu, niemahčyma adklikać (jak byccam heta rabili dasiul! :-)

Takim čynam, za hetyja paru miesiacaŭ niešta naviersie zrušyłasia. Takoje ŭražańnie, što adna z płyniaŭ u atačeńni aktyŭna prapanuje rychtavać butaforski varyjant na vypadak, kali Eŭropa pryciśnie z patrabavańniem demakratyzavać vybarčaje zakanadaŭstva. Imitavać liberalnuju tendencyju možna praz ustalavańnie źmiešanaj, praparcyjna-mažarytarnaj systemy. Nia vyklučana, što jaje ŭviaduć pad parlamenckija vybary naleta. A transfarmavać hramadzkaje abjadnańnie "Biełaja Ruś" (brend, kaniešnie, toj jašče! :-) u tutejšy analah "Adzinaje Rasiei" jość spravaj techniki.

Inšaja reč, što na siońniašni dzień heta chutčej nie zaćvierdžanaja stratehija, a adzin z taktyčnych varyjantaŭ. Zapasny aeradrom, jaki moža być i nie zapatrabavany. Strachoŭka na čorny dla ŭłady dzień.

Bo lubaja palityčnaja hulnia sparadžaje momant ryzyki. Z vertykallu praściej: tupnuŭ nahoj — i kinulisia vykonvać! A tut... Harbačoŭ taksama chacieŭ pahulać u pierabudovu — viadoma, čym skončyłasia.

Čamuści zdajecca, što mienavita biassłaŭny finał KPSS staić pierad vačyma vysokaha načalnika, jakoha palittechnolahi sprabujuć zaraz pierakanać u perspektyvach bolej hnutkaha varyjantu systemy.

U lubym vypadku aktyvizacyja prajektu "Biełaja Ruś" jość, badaj, symptomam taho, što ŭ peŭnym sensie "viarchi nia mohuć kiravać pa-staromu". Treba niešta mianiać chacia b dziela advodu vačej Zachadu. A tam, dzie pačynajucca chaj sabie i zmušanyja huli, padvyšajucca šancy alternatyvy. Kali jaje nośbity, kaniešnie, trochi padvarušacca :-)

P.S. Na hetuju ž temu daviałosia siońnia trochi parazvažać na "Svabodzie".

• 0
• 0
• 0
• 0
• 0
• 0
• 0
• 0