№ 2 (211), 8 — 15 studzienia 2001 h.
Śmierć presy
Nakład “Svobodnych novostiej” skaraciŭsia napałovu, a “Narodnaj Voli” — na treć
Deklaravany nakład “Svobodnych Novostiej” ź listapada da studzienia skaraciŭsia z 65 da 30 tys. asobnikaŭ, a “Narodnaja Vola” proci 60 tysiačaŭ ciapier vychodzić tyražom 40 tys. Heta – dva najbujniejšyja niezaležnyja vydańni. Va ŭmovach zabarony ŭsich svabodnych tele- i radyjostancyj taki abvał nakładaŭ robić šancy demakratyčnaha kandydata na prezydenckich vybarach bolš čym pryvidnymi. Jość jašče radyjostancyi “Svaboda”, “Racyja” i “Bałtyjskija chvali”, ale dźvie pieršyja viaščajuć u karotkim dyjapazonie, i, kab ich słuchać, patrebnaja, miakka kažučy, peŭnaja nastojlivaść, a vilenskija “Chvali” na siarednich chvalach (jakija taksama retranślujuć “Svabodu” dy “Racyju”) tryvała čuvać tolki na zachad ad Lidy j Maładečna.
Niabłaha raskuplajucca spartovyja, muzyčnyja, televizijnyja vydańni, hazety dla chatnich haspadyniaŭ. Trymaje nakład respektabelnaja “Biełorusskaja diełovaja” (22 tys. na siońnia), pryznačanaja byccam by dla vuziejšaha koła čytačoŭ. Letnija apytańni IREX-Promedia dy NISEPD pakazali, što jaje aŭdytoryja (stałyja i epizadyčnyja čytačy) nie vuziejšaja, čym koła čytačoŭ “Svobodnych Novostiej” i “Narodnaj Voli”. Tyja samyja apytańni ździvili i inšym: “Naša Niva”, jakuju tradycyjna ŭsprymali jak “hazetu dla niamnohich”, maje bolej čytačoŭ (ad 1 da 3,4% aŭdytoryi), čym raźličanyja na masavaha čytača “Rabočy” dy “Naša Svaboda” (ad 0,5 da 3%). Heta značyć, usio bolš čytačoŭ nie zadavalniajecca ŭžo masavymi i ahulnatematyčnymi vydańniami, a choča specyjalizavanaj abo specyfičnaj hazety.
Radyjo Svaboda, pavodle tych samych apytańniaŭ, u Biełarusi kali-nikali słuchajuć kala 10% ludziej – prykładna stolki ž, kolki hady ŭ rady čytajuć “Narodnuju Volu”.
Pra stan biełaruskaj presy i składanyja dačynieńni hazetaŭ i radyjostancyjaŭ – u nastupnym numary “NN”.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary