Pavał Žuk: žyćcio pad ahniom
Prakuratura ŭzbudziła kryminalnuju spravu pa častcy 1 artykułu 367 Kryminalnaha kodeksu — paklop na prezydenta. Nahoda – publikacyja ŭ Internecie dy hazecie “Naša Svaboda” “lekarskaha zaklučeńnia” doktara-psychijatra Źmitra Ščyhielskaha pra psychičnuju chvarobu Łukašenki.
Artykuł praduhledžvaje pakarańnie — abo štraf, abo pazbaŭleńnie voli na termin da 4 hadoŭ. Źmicier Ščyhielski ad 1998 h. u Amerycy, a voś Pavał Žuk, redaktar “Našaje Svabody”, u Miensku. Jon nie vyklučaje, što jaho mohuć aryštavać z dnia na dzień, ale krainy pakidać nie źbirajecca. Kali aryštujuć, kaža jon, chaj tady praviaduć psychičnuju ekspertyzu, kab vyśvietlić, byŭ paklop ci nie, zdarovy Łukašenka ci ŭsio ž słaby na hałavu.
Łukašenkava administracyja začyniła dźvie hazety Paŭła Žuka – “Svabodu” i “Naviny”, jahonuju drukarniu “Palimark”, zabaraniła vydańnie satyryčnaha arkušu “Stynhier”. Hazetu “Naviny” sudzili za paklop na Šejmana i puścili z torbaj, nakłaŭšy strašenny štraf. Mienavita ŭ hazetach Paŭła Žuka źjaviłasia narodnaja paema “Łuka Mudziščaŭ — prezidzient” i list Biełaruskaha Vyzvolnaha Vojska, jakoje zładziła vybuch na hazapravodzie. Tady taksama ŭzbudžalisia kryminalnyja spravy, ale nia suprać Žuka persanalna. Žuka łavili paśla “Maršu Svabody—1”, adnym z arhanizataraŭ jakoha jon byŭ. U toj raz biasstrašnamu vydaŭcu i redaktaru ŭdałosia pierachavacca.
Pavał Žuk nahadvaje svaich ziemlakoŭ-rahuleŭcaŭ z Navahradčyny, kavalerystaŭ lehiendarnaha «Biełaruskaha švadronu». Jon pastanaviŭ sabie vieści zmahańnie z dyktataram da kanca. Lavon Jurevič nazvaŭ svaju knihu pra Barysa Rahulu «Žyćcio pad ahniom». Pra płanidu Paŭła Žuka lepiej nia skažaš.
Lonik Kinkiel
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary