Павал Жук: жыцьцё пад агнём
Пракуратура ўзбудзіла крымінальную справу па частцы 1 артыкулу 367 Крымінальнага кодэксу — паклёп на прэзыдэнта. Нагода – публікацыя ў Інтэрнэце ды газэце “Наша Свабода” “лекарскага заключэньня” доктара-псыхіятра Зьмітра Шчыгельскага пра псыхічную хваробу Лукашэнкі.
Артыкул прадугледжвае пакараньне — або штраф, або пазбаўленьне волі на тэрмін да 4 гадоў. Зьміцер Шчыгельскі ад 1998 г. у Амэрыцы, а вось Павал Жук, рэдактар “Нашае Свабоды”, у Менску. Ён не выключае, што яго могуць арыштаваць з дня на дзень, але краіны пакідаць не зьбіраецца. Калі арыштуюць, кажа ён, хай тады правядуць псыхічную экспэртызу, каб высьветліць, быў паклёп ці не, здаровы Лукашэнка ці ўсё ж слабы на галаву.
Лукашэнкава адміністрацыя зачыніла дзьве газэты Паўла Жука – “Свабоду” і “Навіны”, ягоную друкарню “Палімарк”, забараніла выданьне сатырычнага аркушу “Стынгер”. Газэту “Навіны” судзілі за паклёп на Шэймана і пусьцілі з торбай, наклаўшы страшэнны штраф. Менавіта ў газэтах Паўла Жука зьявілася народная паэма “Лука Мудзішчаў — прэзідзент” і ліст Беларускага Вызвольнага Войска, якое зладзіла выбух на газаправодзе. Тады таксама ўзбуджаліся крымінальныя справы, але ня супраць Жука пэрсанальна. Жука лавілі пасьля “Маршу Свабоды—1”, адным з арганізатараў якога ён быў. У той раз бясстрашнаму выдаўцу і рэдактару ўдалося перахавацца.
Павал Жук нагадвае сваіх землякоў-рагулеўцаў з Наваградчыны, кавалерыстаў легендарнага «Беларускага швадрону». Ён пастанавіў сабе весьці змаганьне з дыктатарам да канца. Лявон Юрэвіч назваў сваю кнігу пра Барыса Рагулю «Жыцьцё пад агнём». Пра планіду Паўла Жука лепей ня скажаш.
Лёнік Кінкель
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары