Nie — represiŭnym zakonam!
Zvarot hramadzkaha abjadnańnia “Biełaruskaja asacyjacyja žurnalistaŭ” da hramadzianaŭ Respubliki Biełarusi
My zaniepakojenyja tym, što ŭ krainie prava na svabodnaje vykazvańnie mierkavańniaŭ, atrymańnie j raspaŭsiud infarmacyi apynułasia pad pahrozaj kryminalnaha pieraśledu. Pryznanyja vinavatymi ŭ paklopie na prezydenta j asudžanyja žurnalisty haradzienskaj hazety “Pahonia” Mikoła Markievič i Pavał Mažejka. Najbližejšym časam pierad sudom paŭstanie hałoŭny redaktar hazety “Rabočy” Viktar Ivaškievič. Jamu inkryminujecca “zamach na paklop i abrazu” kiraŭnika dziaržavy. U paklopie na prezydenta vinavacicca j viadomy palityk Anatol Labiedźka.
Takija abmiežavańni svabody słova – prablema nia tolki žurnalistaŭ i palitykaŭ, ale j usiaho hramadztva. U Biełarusi skłałasia sytuacyja, kali krytyčnyja vystupy na adras luboha pradstaŭnika ŭłady mohuć rasceńvacca jak złačynstvy, adkaznaść za jakija praduhledžvajuć artykuły “Paklop u dačynieńni da prezydenta Respubliki Biełarusi” (art.367 Kryminalnaha kodeksu), “Abraza prezydenta Respubliki Biełarusi” (art.368 KK), “Abraza pradstaŭnika ŭłady” (art.369 KK). Maksymalnaje pakarańnie, praduhledžanaje hetymi artykułami, – pazbaŭleńnie voli na termin da 5 hadoŭ.
Tym časam, usiebakovaje i abjektyŭnaje infarmavańnie hramadzianaŭ pra dziejnaść uładnych strukturaŭ źjaŭlajecca nieabchodnaj umovaj demakratyčnaha raźvićcia hramadztva. Praź niezaležnyja ŚMI zabiaśpiečvajecca adkrytaść uładaŭ, realizujecca dyjaloh, jaki viadzie da razumieńnia j zhody ŭ krainie.
Uličvajučy surjoznaje abvastreńnie stasunkaŭ ułady i presy, HA “Biełaruskaja asacyjacyja žurnalistaŭ” vystupaje ź inicyjatyvaj praviadzieńnia ahulnanacyjanalnaj kampanii za admienu vyšejzhadanych artykułaŭ Kryminalnaha kodeksu. Užyvańnie hetych artykułaŭ viadzie da zabarony krytyčnych vystupaŭ u ŚMI, padmieny svabody słova svabodaju prapahandy, spryjaje bieskantrolnaści dziaržaŭnych čynoŭnikaŭ.
Nie – zakonam, jakija sparadžajuć represii, strach i samavolstva ŭładaŭ!
HA “BAŽ” zaklikaje padpisacca pad hetym zvarotam usich, chto choča žyć u svabodnaj demakratyčnaj krainie, mieć prava publična vykazvać svoj punkt hledžańnia i mahčymaść atrymlivać samuju raznastajnuju infarmacyju.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary