***
Abjadnańnie “Lege Artis” ź Lajpcyhu zaachvočvaje biełaruskich tvorcaŭ da ŭdziełu ŭ konkursie na atrymańnie litaraturnaje premii. Prymajucca da razhladu dakumentalnyja, paetyčnyja, dramatyčnyja i prazaičnyja tvory.
Abjadnańnie “Lege Artis” ź Lajpcyhu (Niamieččyna), što zajmajecca padtrymkaj mastackich prajektaŭ, prapanuje biełaruskim tvorcam paŭdzielničać u konkursie na atrymańnie litaraturnaje premii.
Lozunh konkursu 2004 h. budzie nastupny: “Adny žyvuć u śviecie – a inšyja?” Aŭtary musiać mieć nia bolš za 30–40 hadoŭ. Pamier premii – 500 eŭra. Teksty možna dasyłać lubyja – dakumentalnyja, paetyčnyja, dramatyčnyja, prazaičnyja, uchvalajucca karotkija apaviadańni. Abjom – da 30 staronak. Kali rukapis bolšy, varta prykłaści karotki źmiest albo dasłać frahment tekstu. Tvory musiać być nieapublikavanyja. Žury, u skład jakoha ŭvachodziać lajpcyhskija piśmieńniki, paety, słavisty, hiermanisty j krytyki mastactva, budzie praviarać i abmiarkoŭvać rukapisy. Laŭreata zaprosiać u Lajpcyh. Uračystaść budzie prymierkavanaja da Lajpcyhskaha knižnaha kirmašu, što projdzie ŭ sakaviku 2004 h. Premiju ŭručać u Haradzkoj biblijatecy.
Apošni termin dasyłki rukapisaŭ – 1 vieraśnia 2003 h. Słać ich treba na adras:
“Lege Artis” e. V.
Verein zur Kunstfcrderung
Adolph-Menzel-Str. 36
04157 Leipzig
Niamieččyna
T./faks: (8-1049-341) 912-10-04 albo t.: (8-1049-341) 902-21-14.
Andre Biom, Lajpcyh
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary