Ludzi robiać spravu
Šmat jakija padziei nacyjanalnaha maštabu minajuć niezaŭvažna. Voś vyjšaŭ na videakasetach u pierakładzie na biełaruskuju movu film “Pan Tadevuš”. Kolki isnuje nacyja, stolki “Pana Tadevuša” pierakładajuć — ad Marcinkieviča da Siemiažona. Navat u turmach pierakładali, jak Taraškievič. Pierakład videa adbyŭsia dziakujučy starańniu adnaho entuzijasta — Vitala Stanišeŭskaha. Jon arhanizuje ahučvańnie, naładžvaje raspaŭsiud. Pry nuli ŭvahi z boku dziaržavy.
Namieśnik staršyni Bieraściejskaha abłvykankamu Leanid Cupryk uznačaliŭ kamisiju pa adnaŭleńni siadziby inšaha našaha słavutaha ziemlaka — Kaściuški. Košt pracaŭ pakul nieviadomy, ale Ł.Cupryk čakaje, što adbudova projdzie nia tolki za biudžetnyja hrošy, ale i na achviaravańni... z krainaŭ, dzie Kaściuška pryznany nacyjanalnym hierojem. Ale Kaściuška dla nas — pieradusim naš nacyjanalny hieroj, a nie francuski ci polski. Ci nie haniebna prasić hrošy za miažoj na ŭšanavańnie našaha nacyjanalnaha hieroja?
Našu nacyju pa-raniejšamu stvarajuć prostyja hramadzianie, a hańbiać, na žal, kiraŭniki.
Andrej Dyńko
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary