Hłyboččyna musić abrać dvuch deputataŭ u Viciebski abłsaviet. Tolki ŭ adnoj akruzie vybarcy majuć alternatyvu: tam spaborničajuć siabra BSDP (NH) Źmicier Kurcevič i rabotnik abłvykankamu. Nia lepšaja sytuacyja i pa vybarach u rajonny saviet. Na 38 miescaŭ tut zarehistravana 40 kandydataŭ. Pra sielskija i pasiałkovyja saviety zusim niama havorki: tut na 150 miescaŭ pretenduje 151 kandydat. Analahičny stan i ŭ susiednich rajonach. U Dokšyckim, naprykład, zusim niama alternatyŭnych kandydataŭ.
| Ŭładzimier Skrabatun, redaktar hazety «Volnaje Hłybokaje» |
U Hłybocki rajsaviet ad dźviuch partyjaŭ — BNF i BSDP (NH) — było vyłučana tolki piać čałaviek. Traim ź ich u rehistracyi admovili. U rajsaviet ad BNF abirajecca Ŭładzimier Skrabatun, redaktar hazety «Volnaje Hłybokaje», aŭtar «NN». Jahony supiernik — dyrektar hłybockaj biełaruskaj škoły Vital Haranovič. «Ja b i sam za jaho hałasavaŭ», — kaža U.Skrabatun. Ad Narodnaj Hramady ŭ rajsaviet idzie Źmicier Kurcevič — toj samy, jaki vyłučajecca ŭ abłasny saviet.
Jarasłava Biernikoviča (BNF) nie puścili ŭ kandydaty, bo prapisany pa adnym adrasie, a pražyvaje pa inšym. Kali ž jon padaŭ skarhu, abłasnaja kamisija apraŭdała jaho, ale ž znajšła začepku ŭ inšym — niapravilna składzienaja damova z vydaŭcom hazety, supracoŭnikam jakoj Biernikovič źjaŭlajecca.
Druhomu kandydatu, Źmitru Łupaču (Narodnaja Hramada), było admoŭlena na padstavie taho, što jon nibyta chavaŭ svaje prybytki. Čałaviek pradaŭ małapradukcyjnuju karovu i adrazu ž kupiŭ inšuju, zapłaciŭšy bolej hrošaj. Ale «prybytku» ad prodažu nie zadeklaravaŭ. Voś i pryčapiłasia kamisija. Na zaŭvahu Łupača, što vyručka i prybytak — roznyja rečy, adna ź siabroŭ kamisii zajaviła: «Vy mahli pracavać stratna, ale ž vy atrymali prybytak»...
Z analahičnaj pryčyny nie prajšła i Julija Buka (Narodnaja Hramada): jana pradała byčka, a hrošaj u deklaracyju nie zapisała. Kamisija nie pahladzieła navat na toje, što hetaja kabieta vychoŭvaje traich dziaciej, ničoha nia prosiačy ŭ dziaržavy.
Z.Ł., Hłybokaje
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary