Выпускнік ветэрынарнага інстытута працуе кіраўніком Гомельшчыны ўжо трэці год. Чым ён запомніўся? Па-першае, карупцыйным скандалам, пасля якога быў арыштаваны гомельскі мэр Віктар Піліпец. Падругое, пераносам «Дажынак-2013» з Рагачова ў Гомель. Калі на прэс-канферэнцыі Аляксандра Лукашэнкі гэтае пытанне было ўзнята, той, не разабраўшыся, падсумаваў: хочаце сёлетнія «Дажынкі» ў Жлобіне — будуць у Жлобіне.
***
Цытата: «Неабходна стварыць умовы, каб выпускнікі хацелі працаваць і жыць на забруджаных тэрыторыях.»
Снежань 2012.
***
Аб’ектыўка
Нар. у 1963 у вёсцы Ровенская Слабада Рэчыцкага раёна. Закончыў Віцебскі ветэрынарны інстытут. Працаваў трактарыстам, ветэрынарам, намеснікам старшыні калгаса, дырэктарам саўгаса, старшынёй Мазырскага райвыканкама. Старшыня Гомельскага аблвыканкама (ад 2010).
Былы міністр культуры Руслан Чарнецкі знайшоў сабе падпрацоўку9
Каментары