Вучні і супрацоўнікі гімназіі №30, што ў Мінску па вул. Куйбышава, 79/2 былі сёння эвакуяваныя з будынку. Як паведамілі карэспандэнту НН на месцы падзей, сёння з горада паступіў ананімны званок пра тое, што гімназія замініраваная.
Дзяцей вывелі на стадыён. Бацькоў, якія прыехалі іх забіраць, не пускалі праз галоўнага уваход у школьны двор, да стадыёна трэба было ісці ў абыход. Стаяла ачапленне з супрацоўнікаў МНС.
Эвакуявалі людзей спешна: кухары школьнай сталоўкі нават не павыключалі пліты. У двары стаялі пажарная машына, «хуткая» і мікрааўтобус сапёрнай службы.
Каля 13.45 сапёры выйшлі з будынка, пасля чаго ачапленне знялі. Міны, на шчасце, не было.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было44
Каментары