Галоўны трэнер зборнай Беларусі Георгій Кандрацьеў выказаў меркаванне, што футбол у Беларусі развіваецца ў няправільным кірунку.
Колькі матчаў другой шасцёркі [турнір камандаў у вышэйшай лізе, што гуляюць за 7--12-я месцы -- НН] вы бачылі?
У Інтэрнэце глядзеў практычна ўсе матчы. Але якасць футбола пакідае жадаць лепшага.
Дзяленне на шасцёркі апраўдала сябе? Наведвальнасць не палепшылася...
Справа не ў гэтым. Не сказаў бы, што ў першай шасцёрцы бумы або аншлагі. Прычыны? Няважныя стадыёны і якасць футбола... А як яго падымаць?.. Шмат што залежыць ад вучэбна-трэніровачнага працэсу. Тым больш многія працягваюць гуляць ад абароны, чакаць памылкі суперніка, нягледзячы на тое, што матывацыі трымацца за вынік ужо няма.
Але галоўная прычына не ў гэтым. Дваццаць гадоў мы ішлі не туды, куды трэба. Мяркую, не так развівалі футбол. Цяпер усе гэтыя нарывы выкрываюцца.
Каментары